BEHDÎNAN – Navenda Ragihandin û Çapemeniyê ya HPG’ê got “Gerîlayên azadiya Kurdistanê li hemberî êrîşên dagirker bi ruhekî fedaî şer dikin û berxwedana xwe ya dîrokî didomîne. Tîmên me yên bi tevger taktîkên gerîla yên serdema nû di nava hev de bi kar tîne. Di çalakiyên hêzên me de 9 leşkerên Tirk ên dagirker hatin cezakirin, 2 dagirker hatine birîndarkirin, çeperek û teleskopek hate îmhakirin. Derb li helîkoptereke êrîşê û kepçeyeke zirxî jî hate xistin.
Artêşa Tirk a dagirker nekarî berxwedana hêzên me bişkîne û çeperên şer ên li Qada Berxwedanê 13 caran bi çekên kîmyewî û teqemeniyan, 10 caran bi balefirên şer, 11 caran jî bi helîkopterên êrîşê û bi dehan caran jî bi obus û tankan bomberdûman kirine.
Agahiyên li ser çalakî û êrîşan wisa ye:
Di çarçoveya Pêngava Şoreşger a Bazên Zagrosê de li herêma Xakurkê;
Di 19’ê Tîrmehê saet di 17.30’an de tîmên me yên bi tevger bi çekên giran li dagirkerên li Girê Şehîd Şahan dan. Di lêdana xurt a hêzên me de, çeperek hate îmhakirin û 2 dagirker jî hate cezakirin.
Di çarçoveya Pêngava Şoreşger a Bazên Zagrosê de li herêma Zapê;
Di 19’ê Tîrmehê saet di 23.00’an de helîkopterên êrîşê xwestin Qada Berxwedanê ya Çemço bomberdûman bikin. Hêzên me bi xurtî li helîkopteran dan. Di encama mudaxeleya hêzên me de derb li helîkopterekê hate xistin û helîkopter neçar maye ji qadê derkeve.
Di 19’ê Tîrmehê de saet di 12.30’an de dagirkeran xwestine teleskopê li tunelên şer ên Qada Berxwedanê ya Şikefta Birîndara bi cih bikin. Hêzên me bi çekên ferdî li dagirkeran xistine. Di vê çalakiyê de dagirkerek hate cezakirin û teleskopek jî hate îmhakirin. Piştî çalakiyê kepçeyeke zirxî xwest ku ber bi çeperên şer biçe, hêzên me bi çekên giran li kepçeyê dan.
Di çarçoveya Pêngava Şoreşgeriyê ya Şehîd Savaş Maraş a Cenga Xabûrê de;
19’ê Tîrmehê saet di 08.45’an de, tîmên me yên bi tevger bi sekvanî li dagirkerên li Qada Berxwedanê ya Girê Cûdî xistiye û dagirkerek jê ceza kiriye.
19’ê Tîrmehê saet di 09.55’an de hêzên me, dema dagirkeran xwestine ber bi çeperên şer ên li Qada Berxwedanê yên Girê Amediyeyê werin, hêzên me bi taktîka sabotajê li wan xistiye. Di vê çalakiyê de 3 dagirker hatine cezakirin û 2 dagirker hatine birîndarkirin.
19’ê Tîrmehê saet di 12.00’an de dagirkerên li Qada Berxwedanê ya Girê Amediyeyê digeriyan, bûne hedefa hêzên me û 2 dagirker jê hatine cezakirin.
19’ê Tîrmehê saet di 06.30 û 07.30’î de, hêzên me, bi bombeyên destên û çekên ferdî midaxeleyê dagirkerên xwestine ber bi çeperên şer ên Qada Berxwedanê ya Girê Amediyeyê bi pêş de biçin, kiriye. Ji ber lêxistina bi bandor a hêzên me, dagirker gavek bi paş de çûne.
Êrîşên ku artêşa Tirk a dagirker yên bi çekên kîmyewî û teqemeniyan pêk aniye;
Di 19’ê Tîrmehê de li çeperên şer ên Qada Berxwedanê ya Girê Amediyê 3 caran çekên kîmyewî hatin bikaranîn. Madeyên kîmyewî yên hatin bikaranîn; hat tesbîtkirin ku dûmaneke zêde reş derdixe û qirik û çavan dişewitîne.
Di 19’ê Tîrmehê de Qadên Berxwedanê yên Werxelê û Karker 5 caran bi çekên kîmyewî û teqemeniyan hatin bombekirin.
Di 19’ê Tîrmehê de jî Qada Berxwedanê ya Şikefta Birîndara 3 caran bi çekên kîmyewî û teqemeniyan û 2 caran jî bi bombeyên fosforê hatiye bombekirin. Hat tesbîtkirin ku bêhna madeyên kîmyewî yên ku tên bikaranîn tûj e û rengê wê di navbera zer û kesk de ye û dema ku av lê dikeve bertekê nîşan dide û zirarê dide laşê mirovan.
Êrîşên ku artêşa Tirk a dagirker yên bi obus, tank, helîkopter û balafirên şer kiriye;
19’ê Tîrmehê li ser Qadên Berxwedanê yên Çemço, Girê Amediyê, Girê Cûdî, Girê FM û Girê Hakkarî dron geriyane.
19’ê Tîrmehê qada Girê Şehîd Heqî ya li Xakurkê û Qadên Berxwedanê yên Şikefta Birîndara, Saca, Sîda û Çemço 10 çaran bi balafirên şer hatiye bombebarankirin.
19’ê Tîrmehê Qadên Berxwedanê yên Girê Hakkarî, Girê Cûdî û Çemço 11 caran bi helîkopterên êrîşên hatine bombekirin.
19 û 20’ê Tîrmehê Qadên Berxwedanê yên Şikefta Birîndara, Girê Amediyê, Girê Cûdî, Girê FM û Girê Hakkarî bi dehan caran bi tankan û bi obusên ku ji qereqolên li ser sînor tên avêtin hatine bombekirin.
