FLAŞ: Ciwan diherkin nava refên gerîla – 20 ciwanên Bakur-Rojhilatê Sûriyê tevlî PKK’ê bûn

NAVENDA NÛÇEYAN – Êrîşên dagirkeriyê yên dewleta Tirk a qirker û hevkarê wê PDK’ê, ku ji 17’ê Nîsanê de, li ser Herêmên Parastina Medyayê dane destpêkirin, heya roja îro bi hemû rê û rêbazên hov dewam dike. Dewleta Tirk a dagirker ku dixwaze di şexsê Tevgera Azadiya Kurdistanê û Gerîlayên Azadiya Kurdistanê de tevahî gelê Kurd û Kurdistanê qir bike, her roj êrîşên xwe bikaranîna çekên kîmyawî re hovtir dike. Bi van êrîşên xwe re zagonên navnetewî bin pê dike, sûcên şer ên der-mirovî bi piştgriya NATO her roj zêdetir dike. Herî dawî jî ji ber zêdebûna bikaranîna çekên kîmyawî û tevahî çekên qedexe, û ji ber bê dengiya hêzên navnetewî, 44 Gerîlayên Azadiya Kurdistanê şehîd bûn. Ji nava wan nasnameya 17 gerîlayan ji aliyê NPG’ê ve hate eşkere kirin. Li ruxmî hemû êrîşên hovane ku hikumeta AKP-MHP’ê di bin mîmariya NATO’yê de li ser gerîlayên azadiyê dayî destpêkirin, Li gel van êrîşan hemûyan, Gerîlayên Azadiya Kurdistanê bi rihê fedayî ya Apoyî û wêrekiya mezin bi rêbazên cihêreng derbên giran li dagirkeran dixin û berxwedana xwe bi awayekî destanî di dîrokê de dinivîsin.

Li ser esasê ku êrîşên dagirkeriyê yên bê navber bi hevkariya PDK’ê û tevahî hêza NATO’yê li ser gelê Kurd û Kurdistanê dewam dike, ji aliyê Komalên Ciwan û Komalên Jinên Ciwan ve seferberî di bin dirûşmeya “LI DIJÎ DAGIRKERÎ Û ÎXANETÊ, WERIN CENGA AZADIYÊ” hatibû ragihandin. Piştî eşkerekirina nasnameya 17 gerîlayên ku di encama çekên kîmyawî de şehîd bûne banga seferberiya giştî ya tolhildanê kir.

Ciwanên Kurdistanê ji bo ku bersiva bangê bidin û seferber bibin bi rojan li qadane û li dijî dagirkeriyê çalakiyên cihêreng li dar dixin. Herî dawî jî piştî şihadeta 17 gerîlayan bi çekên kîmyawî ji Rojavayê Kurdistanê û Bakur-Rojhilatê Sûriyê ciwan bê navber diherkin nava refên gerîla. Di vê çarçoveyê de herî dawî jî 20 ciwan ji bo tolgirtina şehîdên azadiyê ji Bakur-Rojhilatê Sûriyê tevlî nava refên têkoşîna azadiyê bûn.

Ciwanan bi daxuyaniyekê tevlîbûna xwe ya nava refên gerîla ragihandin û bang li tevahî ciwanan kirin ku cihê xwe di têkoşîna azadiyê de bigirin û tevlî PKK’ê bibin.

Daxuyaniya ku hatî dayîn;