NAVENDA NÛÇEYAN – Gerîla derbên giran li artêşa Tirk a dagirker dixe. Gerîla TV dîmenê çalakiya li Qada Berxwedanê ya Mam Reşo weşand. Di vê çalakiyê de 7 dagirker hatibûn ceza kirin.
“Di 26’ê Tîrmehê de dagirkerên ku bi armanca dagirkirina Girê Şehîd Mûnzûr û Girê Şehîd Arnos ên li Qada Berxwedanê ya Mamreşo xebatên çêkirina rêyan dimeşandin ji aliyê hêzên me ve hatin şopandin. Hêzên me koma dagirker a ku ji 7 kesan pêk dihat di saet 06.45’an de xistin kemînê û bi çalakiyeke koordînekirî ya gerîlayan derb li dagirkeran hat xistin. Baskê yekem ê çalakiyê; ji nêz ve bi çekên ferdî bi bandor li dagirkeran xist. Baskê duyemîn ê çalakiyê jî li dagirkerên ku dixwestin li bejahiyê belav bibin xistin. Baskên yekem û duyem ên çalakiyê, di demek pir kin de bi şêwazê lêdana teyrê baz, tevahiya koma dagirker a ji 7 kesan pêk dihat ceza kirin û ev yekîneya dijmin bi temamî tune kirin.
Tîmên me yên bi tevger ên ku çûn ser cenazeyan, eşkere kirin ku ji dagirkerên hatine cezakirin, 3 jê leşker û 4 jî kontra ne. Hêzên me ji ser 7 cenazeyan; çekeke MPT-55, 3 çekên AK-47 (Kalaşnîkov), cîhaza bêtêl, kasatûreyek û 2 şepqeyên leşkerî desteser kirin.”
