NAVENDA NÛÇEYAN- Înîsiyatîfa Jinên Tîrêjên Rojê daxuyaniyek weşand û li ser çalakiyên 8 û 9’ê Îlonê agahî da. Di daxuyaniyê de ev agahî hatin parvekirin:
“8’ê Mijdarê li navçeya Înegol a Bûrsayê, li taxeke navendî ku bi giranî faşîst lê ne, yekîneyên me li hemberî wesayit û kargehên faşîstan ên ser bi rejîma AKP-MHP’ê çalakî lidar xistin. Di encama vê çalakiyê de 8 wesayitên luks û 3 kargeh ji aliyê yekîneyên me ve hatin şewitandin.
8’ê Mijdarê li navçeya Tarsûsê ya Mersînê yekîneyên me ji du baskan ve bi teqemeniyan li wesayiteke polîsên dewleta Tirk a faşîst dan ku bi şev li dewriyeyê digeriya. Polîs piştî çalakiyê bi tirs û panîkê ji taxê çûn.
9’ê Mijdarê li Stenbol-Hadimkoyê depoyeke alavan a karsazekî faşîst ê nêzî rejîma AKP’ê, her wiha 3 wesayitên luks ên depoyê ji aliyê yekîneyên me ve hatin şewitandin.”
Înîsiyatîfê diyar kir ku çalakî li hemberî binpêkirina mafên mirovan, êşkence û sirgûna li girtîgehan hatine lidarxistin.
