NAVENDA NÛÇEYAN – Fedaî li ser tevlîbûna xwe di nava refên şervanên YPJ axifî û li ser rola jin di nava şer nirxand û got: “Weke şervanên YPJ me ev zihniyeta baviksalarî têkbir. Ev jî şerê me ya li hemberî DAİŞ’ê de hate diyarkirin” û banga hemû jinên ciwan kir “werin tevlî nava refê YPJ’ê bibin, em têkoşin bi hevre bilind bikin, xûrt bikin”.
Giştî axaftina Adar Fedaî bi wî awayî yê:
“Navê min Adar Fedaî. Weke şervaneke YPJ naskirina me, bandorbûna me bi YPJ re sekna wê û fedakartiya wê bû. Li ser vî esasî bandorbûyîn çêbû û tevlîbûna me di nav refên YPJ’ê de çêbû.
Weke şervanê YPJ îro jî şerê dagirkirî ya dewlate Tirk a faşîst li ser Bakûr û Rojhilatê Sûriye dide meşandin erîşên dijwarin. Li hemberê vî YPJ bi sekna xwe, bi tevlîbûna xwe, bi amadekariya xwe ve, bi îradeya xwe ve, bi cesareta xwe ve berxwedaniyê dike û di refên pêş de cîh digire. Li ser vî esasî amadekariyên me hene. Weke şervanên YPJ jî em amade ne. Ji bo hemû şerên ku werin li ser axa me, ji bo parastina wî bikin em amadene.
ŞEVANÊN YPJ ZIHNHIYETA BAVIKSALARÎ TÊKBIR
Zîhniyeta zilamsalarî ê ku digot jin nikare sîlah rabike, nikare şer bike, jin tenê ya malê ye. Weke şervanên YPJ me ev zihniyeta baviksalarî têkbir. Ev jî şerê me ya li hemberî DAİŞ’ê de hate diyarkirin. Berxwedaniya YPJ li hemberî DAİŞ’ê kirî û rol û mîsyona ku li wê derê leyîstî ev diyar dike ku jin ne tenê ya malê ye. Ku em bêjin ku li malê de be silah raneke ev ya YPJ ji cîhanê re daye îspat kirin ku dikare sîlah rabike, dikare şer bike, dikare çeperên pêş de cîh bigire, dikare siyasetê bike. Ev ya me ji herkesî re da nîşandan û YPJ ev bi sekna xwe ji herkesî re jî îfade kir.
Ji ber vê di roja me ya îro de jî tu kes nikare bêje jin nikare silah rabike, an jî nikare şer bike. Jiber ku îspatkirinek hatiye çêkirin. Îro DAİŞ’ê ku nikare tu kesî têk bibe bi pêşengtî têk çu. Ji ber vî ev ya xwe îspat kirinek bû.
SERHILDANA ‘JIN JIYAN AZADÎ’ YPJ JÎ BANDOR KIR
Dîsa serhildanên ku bi pêşengtiya jin ya ku di bin slogana “Jin Jiyan Azadi” de li Rojhilatê Kurdistanê hatiye destpê kirin, ev yek em dikarin bêjin bandora YPJ jî hebû. Ev ya hîşt ku şoreş pêşbikeve û serhildan jî çêbibe. Bandora şervanên YPJ li Rojhilat pêşket. Ev şoreş lazime berdevam bike, nesekin e. Li cihêk dema behrekî biherike tu tiştek nikare jê re bibe asteng. Em jî îro weke jin wek avekî diherikin û kes bikare hemberî me bisekine yan jî bide sekinandin. Vî fedakarî û cesaretê nikare bide sekinandin. Ji ber vê yekê jî li Rojhilatê Kurdistanê şoreşa ku hatiye hatiye destpê kirin, serhildanên ku hatiye destpê kirin ev jî bi dirûşmeya “Jin Jiyan Azadî” de lazime hîn xûrttir bibe, hîn bêhtir pêşbikeve û mezin bibe. Ev ji bo me weke şervanên YPJ jî hêzdayînekî ye û ji bo me weke şervanên YPJ moralekî ye. Jiber îro ne li tenê Rojavayê Kurdistanê, li Rojhilat û li deverên cuda cuda jî jin bi sekna xwe bi pêşengtiya xwe, bi cesareta xwe, edî li hemberî desthilatdariya dewletê, zihniyeta baviksalarî ya ku niha tê meşandin li hemberî vî disekine û serî natewîne.
Ev ya gerek berdevam bike. Jin bi sekna xwe ev da diyar kirin. Yê kû pêşengtiyê bike, yê kû rê nîşan bide, ye ku serkeftinê bi dest bixe hêza jin e.
EM TÊKOŞIN BI HEVRE BILIND BIKIN
Liser vî esasî bangawaziya me ji bo hemû jinên ciwan ev e ku werin tevlî nava refê YPJ’ê bibin, em têkoşin bi hevre bilind bikin, xûrt bikin ev zihniyeta baviksalarî ê erîşa dewleta Tirk devkevin. Em rê nedin tu kesî ku li ser me desthilatdariyê bikin. Em rê nedin tu kesî ku liser me zîhniyeta 5 hezar sal ferz bikin. Ji bo na vî jî pewîste hemû jinên ciwan berê xwe bidin refên nava YPJ û di wê derê de azadiya xwe bigerin û jiyanek watedar û azad jiyan bikin. Liser vî esasî banga me ji bo hemû ciwanan bila werin tevlî bibin û em têkoşîna xwe bi hevdû re xurt bikin.”
NC// Nujiyan Öcalan
