NAVENDA NÛÇEYAN-Ciwanan ji Kantona Şehba heya bi bajarê Dêrîkê çalakî li dar xistin ,di çalakiya li bajarê Minbicê de ,ciwanan bi meşaleyan tevlîbûna xwe ya hemleya “Cenga Azadiyê serbixe” ragihandin her wihe beşdarvanên çalakiyê li çarxeriya El-Mîzan a li ser rêya Helebê kom bûn, çalakiyê ji ber çarxereyê dest pê kir, û di rêya Helebê re derbas bû, gihişt pêşiya navenda Ciwanên Şoreşger a li navenda bajêr.
MINBIC
Di dema gihîştinê de deqeyek rêz ji bo giyanê şehîdan hate girtin û piştre li ser navê Tevgera Ciwanên Şoreşger a Minbicê û gundewarê wê ji aliyê hevserokê Tevgera Ciwanên Şoreşger Ehmed El-Cemîlî ve axaftinek hate kirin.”
axaftina El-Cemîlî wiha ye:
Îro em gelê bajarê Minbicê li vir li ber xwe didin û ji vê derê em tecrîda li ser Rêber APO şermezar dikin û daxwaza azadiya fîzîkî ya Rêber APO dikin tekeze ku hemû pêkanînên dijmirovahî yên dewleta faşîst a Tirk a li dijî Rêber APO ji destpêka komploya navneteweyî ya beriya 24 salan û heta niha di şexsê Rêbertî de dixwezin ji gel qut bikin
bi rê û rêbazên curbecur hewl dan Rêbertî ji gelên herêmê dûr bixînin, lê Rêbertî ji zindana Îmralî bûye ronahiyek ji bo hemû gelên azadîxwaz.
di dawiyê de El-Cemîlî diyar kir ku bi tevlîbûna kampanyaya Komalên Ciwan ragihandî “Cenga Azadiyê serbixe” wê bibin bersiv ji hemû sûc û binpêkirinên dewleta faşîst a Tirk ên li hemberî hevrêyên wan, bi taybet tecrîda ku dewleta faşîst li ser Rêberê APO dimeşîne.
KOBANÊ
li bajarê Kobanî jî Ciwan û jinên ciwan bi meşekê beşdarbûna xwe ya hemleyê ragihandin ,meşê ji ber Kantonê dest pêkir û heye bi qada aşitiyê dewam kir ,li ber qada aşitiyê jî ciwanan daxweyanî dan.
HESEKÊ
li bajarê hesekê jî bi beşdariya Ciwanên Şoreşger û gelek endamên saziyên sivîl, meşe ji bo ragihandina beşdarbûna hemleyê hat li darxistin meşê ji parka Rêbertî a li taxa El-Nasira destpêkir û ber bi çarxereya Cûdî a taxa li taxa El-Kelasê ve dewam kir.
Di dema hatina beşdaran de, ji bo giyanê şehîdan deqeyek rêz hate girtin û pişte daxweyanî hat xwendin daxweyanî ji aliyê endama ciwanên şoreşger Leyla Hisên ve hat xwendin daxweyanî wiha ye :
Bi navê Tevgera Ciwanên Şoreşger ên bajarê Hesekê, em tişta ku dewleta Tirk a faşîst li ser Rêbertî ferz dike, pêkanînên dermirovahiyê yên li ser Rêbertî şermezar dikin,
Tevî hemû zextên pîskolojîk ên dewleta Tirk li ser şexsê Rêbertiyê li Girava Îmraliyê, Rêbertî berovajî daxwaza dewleta Tirk hê jî berxwedana herî mezin bi sekneke şoreşgerî dimeşîne.”
Di daxuyaniyê de hat gotin,ku “Sûcên faşîst Erdogan bi dawî nebin, li bajarê Stenbolê ciwanê Kurd ê ku bi zimanê Kurdî stran digot, ji aliyê faşîstan de hat qetil kirin.
Erdogan hîna jî qirkirina zimanê dayikê yê Kurdî didomîne.”
di dawiya daxweyaniyê de jî hat destnîşan kirin ku, hemû hêvî dikin berxwedana dîrokî ya Rêbertiyê beriya 25 salan li girtîgeha Îmraliyê, têkoşîna gelê Kurd û hemû gelên cîhanê bi hemû komên xwe yên ji bo azadiya fîzîkî ya Rêbertî dimeşînin.
QAMIŞLO
her wiha li bajarê Qamişlo jî ciwanan bi daxweyaniyekê beşdarbûna xwe ya hemleyê ragihandin ,piştî ku ciwan û jinên ciwan li ber wargeha ciwanan kom bûn daxweyaniyê dest pêkir, daxweyanî ji aliyê Rîm Dada ve hat xwendin daxweyanî wiha ye:
Sîsyema kapîtalîst û faşîzma AKP-MHP dixweze bi fêlbazî û komployan vîna gelê kurd bişkîne û riya azadiyê li pêşiya wan bigire,faşîzma AKP-MHP ji dema destpêkirina tevgera azadiyê ku hêviya gelan temsîl dike û ketiye meşa Rêbertî ya 51’an gihîştiya asta herî jor ya tekoşînê û berxwedana gelan
bi komploya ev 24 salin li ser Rêber APO tê meşandin xwestin vîn û hêviya gelan bişkînin ,bi alîkariya hinek îxanetkaran xwestin vê komployê bigihînin dawiyê û tevgera azadiyê tesfiye bikin.
lê tekoşîna Rêber APO deriyê Îmraliyê şikand û bû hêviyek ,li çiyayê kurdistanê bi qehremantî û egîdiya gerîlayên azadiyê ev komplo pûç bû û bê wate kir,û bi meşa 51’emîn a Rêbertiyê wê xeta xiyanetê tune bibe û êrişên dewleta Tirk a faşîst bi dawî bibe ,ev sal wê bibe sala zaferê ,em jî wek Tevgera Ciwanên Şoreşger û Yekîtiya Jinên Ciwan bi hemleya “Cenga Azadiyê serbixe”emê vê salê bikin sala azadiya fîzîkî ya Rêber APO
di dawiyê de ciwana bi erebeyan li nava bajarê Qamişlo gerîn.
ŞEHBA
Bi sedan ji ciwanan li ser rêya navbera Fafîn û qampa Berxwedan bi fotrafên rêber APO û alên tevgera ciwanên şoreşger a Sûrî û yekîtiya jinên ciwan kom bûn û meşiyan.
Bi gihiştina çalakiyê li kêleka meclîsa Kantona Şehbayê re,endamê tevgera xwendekarên demokratîk a Kantona Efrînê Mihemed Xelîl axaftin kir û tecrîda girankirî ya li ser rêber APO şermezar kir,her wiha diyar kir ku ew weke ciwanên rêber APO tecrîda girankirî ya li ser rêber APO ji aliyê dagirkeriya tirk û hevalbendên wê ve tê kirin şermezar dikin.
Her wiha Xelîl bêdengiya aliyên bi mafên mirovan re peywendîdar û bêdengiya wan a li hemberî tecrîda girankirî li ser rêber APO şermezar kir û da zanîn ku hinek alî xwe weke rêxistinên mirovî û hiqûqî dibînin lê di rastiyê de ew pir ji vê yekê dûr in,ger ku ew rast mirovî û hiqûqî ne divê ku rêber APO serbest bê berdan.
HELEB
Meşê ji pêşiya navenda tevgera ciwanên şoreşger a Sûriye ya ku li taxa xerbî ya Şêxmeqsûd dikeve dest pê kir û berdevkê tevgera ciwanên şoreşger ê Helebê Can Xweş Silêman axaftin kir û got:Em îro li vir tecrîda girankirî ya li dijî rêber APO şermezar dikin ,em weke tevgera ciwanên şoreşger û di bin dirûşmeya “Asta şerê azadiyê bilind bikin” de em ê tecrîda li ser rêber APO ya li girtîgeha Îmraliyê bikşînin.
Can Xweş da zanîn ku ew di bin vê diruşmeyê de soz didin ku tecrîda girankirî ya li dijî rêber APO bişkînin û wiha pê de çû:em ê weke tevgera ciwanên şoreşger her gav ji bo derxistina dijim ji xaka Kurdistanê amade bin.
