REQQA – Di çarçoveya hemleya “Jin Jiyan Azadî Serbixe Azadî” de bi pêşengiya Yekîtiya Jinên Ciwan ên Bakur û Rojhilatê Sûriyê 1’emîn Mîhrîcana Werzîşê ya Şehîd Nûjiyan Ocalan li bajarê Reqayê hate lidarxistin. Ji gelek bajar û herêman komên jinên ciwan beşdarî mîhrîcanê bûn. Di mîhrîcana ku şaxên werzîşê yên cuda yên wekî şetrenc, futbol, voleybol, karate û tenîs tê de cih digirtin, wêneyên rengîn derketin holê.
Festîvala ku li Bakur û Rojhilatê Sûriyê hate lidarxistin, bi amadebûna gel, endamên Yekîtiya Jinên Ciwan û rêxistinên jinan, bi deqeyeke rêzgirtinê ji bo giyanê pakê şehîdan dest pê kir. Piştre Hevseroka Desteya Ciwan û Werzîşê Henan El-Bakûr di axaftina xwe ya li ser navê festîvalê de bixêrhatina hemû beşdaran kir û destnîşan kir ku desthilatdarî girîngiyeke mezin dide aliyê werzîşê û bi taybet werzîşa jinan.
Wê amaje bi wê yekê jî kir ku di encama van hewldanan de: “Em gihiştin astekê ku me festîvaleke werzîşê li ser asta Bakur û Rojhilatê Sûriyê li dar xist, ji bo handana beşdarbûna jinan bi taybet jina ciwan a werzişvan.”
Endama Yekitiya Jinên Ciwan Nûjiyan Ocalan, piştî ku di 25’ê Kanûna 2021’an de li bajarê Kobanê malek hedef girt, piştî meşa dewleta Tirk a dagirker, tevî 5 endamên Yekîtiya Jinên Ciwan û endamên Tevgera Ciwanên Şoreşger ên Sûriyeyê gihişte asta şehadetê. Henan El-Bakûr diyar kir ku festîval di çarçoveya kampanyaya “JIN, JIYAN, AZADI – Cenga Azadi Serbixe” de ye.
Çalakiyên mîhrîcana werzîşê ku tîmên jinên ciwan ên El-Cezîre, Reqa, Minbic, Kobanî û Tebqayê tê de beşdar bûn, pêşbirka bisiklêtê hat lidarxistin. Piştre maçên futbolê dest pê kirin û bi serkeftina tîma Kobanî ya li ser Reqayê bi dawî bûn, di heman demê de tîma Reqayê di tenîsa maseyê de li hember tîma Kobanî serkeftin bi dest xist. Piştî bidawîbûna çalakiyên mîhrîcanê, Rêveberiya Jin, Ciwan û Werzîşê ya Rêveberiya Xweser a Bakur û Rojhilatê Sûriyê tîmên serkeftî xelat kirin.
