NAVENDA NÛÇEYAN – Li Elmanyayê ciwanên Kurdistanî û enternasyonalîst bi dirûşmeya “Bi ruhê APOîst Rêwîtiya ber bi Azadiyê ve” xwe amade dikin ku dakevin qadan. Ciwan wê di navbera 3 û 8’ê Îlonê de ji bo azadiya fîzîkî ya Rêber APO dest bi çalakiya Rêwîtiya Azadiyê ango Rêwîtiya Azadiyê bikin. Çalakî wê di navbera bajarên Elmanya Dortmûnd û Kolnê de bê lidarxistin.
CIWAN DÊ LI SER ‘RÊYA AZADÎYÊ’ BIBIN HEV.
Komîteya amadekar banga çalakiya bi şîara “Bi ruhê APOîst Rêwîtiya Azadiyê” ji hesabên çapemeniya dijîtal kir. Komîteya amadekar got, “Em ê weke ciwanên Kurd û enternasyonalîst bibin yek; Li dijî kapîtalîzm, faşîzm û kolonyalîzmê em ê li ber xwe bidin û bi ser bikevin. Em ê bi Rêber APO re ji bo bigihêjin xeyala xwe ya azadî û azadiyê têkoşîna xwe bidomînin.”
Ji bo çalakiya Rêwîtiya Azadiyê, ku tê payîn ji Fransa, Elmanya, Swîsre, Awûstûrya, Îngilîstan û ji çar aliyên Ewropayê bi sedan ciwan tevlî bibin, komîteya amadekar têkildarî çalakiya ku wê li dar bixin, niha agahiyên pêwîst parve kirin.
Di roja yekemîn a çalakiyê de wê li ser şert û mercên Rêber APO konferansek bê lidarxistin.
Salnameya çalakiyê wiha ye;
02.09.2023 – Civîn – Bornstrasse 166 Dortmund
03.09.2023 – Roj 1 – Konferansa Rêber APO
04.09.2023 – Roja 2 – Dortmund HBF – Bochum HBF
05.09.2023 – Roja 3 – Bochum HBF – Essen HBF
06.09.2023 – Roja 4 – Oberhausen HBF – Duisburg
07.09.2023 – Roja 5 – Neuss HBF – Düsseldorf HBF
08.09.2023 – Roja 6 – Köln HBF – Köln Mülheim
Ji van hesaban jî dibe ku bi komîteya amadekar re têkilî daynin.
Instagram: rewitiye.azadi
Mail: [email protected]
Weke ajansa Nûçe Ciwan em ê çalakiya ku dê li dar bixin ji nêz ve bişopînin û di çarçoveya bernameya Çalakiya Rêwîtiya Azadiyê de bi rêya ajansa me di demên pêş de her cure agahî bi we re bên parvekirin.