NAVENDA NÛÇEYAN – Hêzen emperîalîst û navnetewî di 9‘ê Cotmeha 1998‘an de dest bi Komploya Navneteweyî kirin. We rojê Rêber APO Syriyê derket û berê xwe da Atînayê. Bi vî rengî Rêber APO lîstika ku gelek aktorên herêmî û biyanî tê de hebûn, têk bir.
Lîstokên aktorên herêmî û biyanî dijî Rêber APO
Berê we, di êvara 29‘ê Tebaxa 1998‘an de Rêber APO li MED TV’ê bi rêya telefonê beşdarî bernemeyekê bû. Li vir Rêber APO daxuyaniyeke dirokî kir û diyar kir ku ji 1‘ê Îlona 1998‘an û pê ve agirbestê radigihîne û banga aştiyê kir. Bi vî rengî Rêber APO nava medya cîhanê deng veda û her kesî benda bersiva Enqereyê bû.
Serokwezîrê rejîma Tirk a dagirker wê deme Mesût Yilmaz bû û rojekê piştî daxuyaniya Rêber APO got: “Eger fêhm kiriye ku şerê li hemberî dewleta Tirk bêçaretî ye û ji bo teslîm bibe gavekê diavêje, ez ê vê erênî bibînim.”. Lê alikarê Serokwezîr ê rejima Tirk we deme ya Bulent Ecevît red kir û got: “Li ser pirsgirêkên welatê xwe em bi rêxistineke terorê ya cihêkar re hevdîtinê nakin.”.
Rêjîma dewleta Tirk a dagirker bi Urdun, Îsraîl û Fîlîstînê hevditin çekir û bi rojeva Rêber APO niqaşên hatin kirin. Serokwezîrê rejîma Tirk a dagirker gef û zext ser rêveberiya Sûriyê çekir û li Tel Avîvê hevkariyeke veşartî bi dewletan Urdun, Îsraîl amade dikir. Rêber APO diyar kir wan hewldanên ji bo agirbestê û vekirina qenala diyalogê lîstokeke bû, lê Rêber APO nedixwest agirbestê xera bikê. Çend hevdîtinan bi hêzen rejîma Tirk a dagirker û PKK di Îlonê 1998‘an hatin kirin, lê gef û sext ser rêverberiya Sûriyê hatiyê zedekirin, ji bo dewleta Sûriyê Rêber APO û mîlîtanên PKK ji rejîma faşîsta Tirkiyê re radest bike.
Di 17‘ê Îlonê de li paytexta DYE ya Washingtonê PDK, YNK bi hêzen DYE, Tirkiyê û Înglistan jî hevdîtineke krîtîk pêk anîn. PDK û YNK ku bi salan şerê hev dikirin ji bo derxistina hêzên PKK’ê li Başûrê Kurdistanê lihevkirin. Bi wî rengî hêzên emperialîst û navnetewî xwastin ji Rêber APO re û PKK’ê peyameke bi wî rengî didin: “Êdî hûn nikarin li cihekî bisekinin” Wîsa ji bo destpêkirina Komploya Navneteweyî şert û mercên hundirîn û derve hatin amadekirin.
Rejîma Tirk a dagirker û faşîst her deriya Rojahilata Navîn di liv û tevgere bû, ji bo amadekirina komployê. Zext bi rêya dîplomatîk li Sûriyê hate kirin û rêverberiya Şamê gelek gef dixwar. Di 2‘ê Cotmeha 1998‘an rejîma tirk a dagirker û faşîst hêzên xwe ya lêşkerî ser sînorê Sûryiyê zêde kir. Ji bo mudaxelê kirina bûyer Serokkomarê Misrê Husnu Mubarek ketiyê navbera Sûriyê û Tirkiyê, lê di 7’ê Cotmeha 1998’an Keştiyeke Emerîkî ya bi fuzeyên Tomhawk barkirî çû peravên Derya Spî. Heman rojê gelek balafirên leşkerî û şer xwe li baregeha DYE ya li Încîrlîkê hatin danîn.
Li gorî gelek çavdêran, ev yek amadekariya şerekî li dijî Sûriyeyê bû ku NATO jî wê di nav de cih bigirta. Rêber APO ku ev rewş fêhm kir, bi biryareke ji nişka ve 9’ê Cotmehê bi balafireke rêwiyan a Rêyên Hewayî yên Sûriyeyê Şam terikand. Balafira ku Rêber APO tê de bû danê êvarê li Balafirgeha Hellinikonê ya paytexta Yewnanistanê Atîna dakete xwarê.