BEHDÎNAN – Fermandariya Biryargeha Navendî ya Parastina Gel (NPG) ji hemûyan Fermandar û Şervanên Zap û Metînayê re daxuyaniyek da:
Hevalên hêja!
Beriya her tiştî 45 saliya damezrandina partiya me PKK‘ê li Rêber Apo, gelê me yê welatparêz û hevrêyên me pîroz be. Ji hevrê Hakî Karer heta şehîdên me yên dawî Andok, Ciwan, Botan û Egîd, em şehîdên xwe yên kedkar, fedaî û xwediyên rastîn ên destana 45 saliya PKK’ê bi rêzdarî û minetdarî bi bîr tînin. Em soza xwe ya ji bo şehîdên xwe, şopandina xeyalên wan, gihandina armancên wan ên serkeftinê û bîranîna wan bi Rêbertiya Azad re li Kurdistana Azad bijîn dubare dikin.
Hevalên hêja;
45’emîn salvegera damezrandina fermî ya partiya me PKK’ê bi çalakiyên şoreşgerî yên Gerîlayên Azadiya Kurdistanê pîrozkirina sala 46’emîn gelek watedar bû. Ruhê serkeftinê yê PKK’ê ku ji berê heta niha bêyî navber bi kedeke mezin heta roja îro hatiye, bi çalakiyên we yên serkeftî derketiye holê. Di 20’ê Mijdarê de bi çalakiya şoreşgerî li Zap û Metînayê hêzên artêşa Tirk a dagirker hedef hatin girtin û derbeke giran û bibandor li wan xistin. Li herêma Rojavayê Zapê ya Şehîd Delîl, hêzên artêşa dagirker li sê cihên cuda yên Qada Berxwedanê ya Girê Amediyê bi cih bûne, bi operasyoneke şoreşgerî ya berfireh hedef hatin girtin. Her sê cih ji aliyê baskên operasyona şoreşgerî ve bi taktîkên xweberdana nav dijmin hatin hedefgirtin, hemû baskên operasyonê ketin nava dijmin û ji destpêkê heta dawiyê her kêliyên operasyonê di bin înîsiyatîfa gerîla de meşandina wê serkeftineke gelekî girîng e. Piştî ku bi hostayî bi taktîkên xweberdana nav û xwe gihandina dijmin û bi cesareteke bilind û ruhê fedayî yê Apoyî cezakirina 49 dagirkeran û rûxandina 21 kon û 12 çeperan performansa şerê bilind nîşan dide. Di heman rojê de li Qadê Berxwedanê ya Girê Ortê a herêma Metînayê jî bi şêwazekî serdegirtinê bi taktîkên koordîne yên gerîlayan dagirker hedef hatin girtin, 12 dagirker hatin cezakirin, 2 çeper û 1 kameraya mobesse hatin rûxandin.
Gelek milên operasyona şoreşgerî ya berfireh, bi awayekî şareza bi taktîkên gerîla bi hev re bi kar anîn û derbên giran ên têkbirina hemû tedbîrên dijmin, asta ku şêwazê şer ê tîmên pispor gihîştiyê nîşan da. Şopdarên Zîlan hevrêyên me Rojhat Zîlan û Erdal Şahîn biryardariya fedaî ya bêhempa li Enqereyê xistin pratîkê û li çiyayên Kurdistanê bi operasyona şoreşgerî xistina meriyetê, bû peyama Gerîlayên Azadiya Kurdistanê ku wê bi heman ruhî têkoşîna xwe li her derê bêyî navber bidomîne.
Em hemû hevalên fermandar û şervanên ku salvegera damezrandina Partiya me bi operasyon û çalakiyên şoreşgerî yên bi hêz pêşwazî kirin û bi ruhekî fedaî û îradeyeke mezin a têkoşînê ketin sala nû ya Partiyê bi hezkirin û rêzdarî silav dikin. Em hemû hevrêyên ku di afirandina van encamên serkeftî de rol lîstine û di her qonaxê de pêşengtî, beşdarbûn û xebat meşandine pîroz dikin. Komîteya Rêveber a partiya me PKK’ê di peyama xwe ya ji bo fermandariya me re şandî de; Cejna Partiyê di serî de li hemû hêzên gerîla pîroz kir, hemû fermandar û şervanên ku beşdarî operasyona şoreşgerî û çalakiyên serkeftî bûne û ked dane bi dil û can silav kir, hezkirin û hêviya serkeftinê yên hemû rêveberiya Partiya me jî ragihand.
Em careke din bi hestên şoreşgerî yên jidil hemû hevrêyên li Zap û Metînayê yên ku bi ruhê fedayî yê Apoyî li ber xwe dan û derbên giran li dijmin dane silav dikin, em bawer dikin ku wê di sala nû ya Partiyê de serkeftinên mezintir bi dest bixin û em ji we re serketinê dixwazin.
24’ê Mijdarê 2023
FERMANDARIYA BIRYARGEHA NAVENDÎ YA PARASTINA GEL
