HAMBÛRG – Gelek jinên ciwan û ciwan ên endamên TCŞ û TekoJIN’ê ku li dijî êrîşên dewleta Tirk a faşîst ên li ser qadên jiyanê yên li Rojava hatin cem hev, meşek lidar xistin.
Di tevahiya meşê de ciwan bi dirûşm û sirûdên “Bîjî Berxwedana Rojava”, “Bîjî Serok APO”, “Bîjî Berxwedana Gerîla”… meşiyan û berxwedana Îmraliyê û berxwedana gerîla silav kirin.
Piştre ciwanan ev daxuyanî dan:
“Em weke ciwanên Kurd heta ku li dijî Rojava êrîş hebin em ê li ber xwe nedin. Em bang li hemû gelê Kurdistanê dikin; Ji niha û pê ve divê her kes qadan tijî bike berxwedan û dengê xwe bigihîne gerîla.
Êrîşên dewleta Tirk a faşîst ên li dijî gelê Bakur û Rojhilatê Sûriyeyê didomin. Dewleta Tirk a faşîst bi salan e hewl dide projeya demokratîk, ekolojîk û azadiya jinê ya li Rojava ji holê rake. Em ê li hemberî êrîşên li dijî gelê xwe bêbersiv nemînin. Weke ciwan em bang li ciwanên Kurd ên li dîasporayê dikin ku berxwedana topyekûn mezin bikin. Em bang li hemû dostên xwe yên demokrat û azadîxwaz dikin ku çalakiya xwe mezin bikin. Em banga hevgirtinê li rêxistinên sivîl ên li Elmanyayê dikin. Li pişt hemû êrîşên dewleta Tirk a faşîst piştgirî û çekên dewleta Elman heye. Werin em bi hev re dengê xwe bilind bikin û piştgiriyê bidin berxwedana Rojava.
