NAVENDA NÛÇEYAN – Endama TJK-E (Tevgera Jinên Kurd a Ewropayê) Zîlan Diyar ku xwe wek xwendevana yek ji pêşengên tevgera azadiya Kurdistanê û têkoşîna azadiya jinan Sakîne Cansiz (Sara) pênase dike, bi boneya 11’emîn salvegera şahadeta Sakîne Cansiz axivî.
Zîlan Diyar anî ziman ku piştî Komploya Navneteweyî ya li dijî Rêber Apo dest pê kir, wê şehîd Sakîne Cansiz nas kir û wiha got: “Sekn û terza wê pir bandor li min kir. Li gel heval Sara têkoşîna bi rêbazên klasîk û kevneperest tune bû. Mijarên ku jê bêzar, rexne dike û tev lê nabe, bi awayekî zelal dianî ziman. Xwe mehkûmî du vebijêrkan, dijberên ku hev tune dikin, nedikir. Ji her du dijberan vebijêrkek sêyemîn, nêrîneke sêyemîn derdixist. Nîşan dida ku hûrgiliyên rastî û heqîqetê hene.”
‘ÇIYAYEK BI SERÊ XWE’
Zîlan Diyar wiha qala kesayeta bicesaret a Sakîne Cansiz kir: “Hevala Sara tu caran berê xwe neda rêbazên hêsan. Dema berê xwe dida pirsgirêkekê, tenê tişta pêşkêşî wê dikirin nedipejirand. Bi aqil, vîn û hêza xwe ya wateyê helwest digirt. Terzeke wê ya bi vî awayî hebû. Ew qas bi hêza heqîqetê bi bawer bû, ew qas bi bawer bû, zû yan dereng dê bi ser biketa. Ji bo vê heqîqetê vederkirin, nepejirandin dida ber çavan. Bi tena serê xwe wek çiyayekî baweriyan bi heqîqetê bû, her kes digirt nava vê heqîqetê û dimeşiya.”
‘PIR KED DA’
Zîlan Diyar got şehîd Sakîne Cansiz gelek ked di ber wê de daye û wiha axivî: “Em bi hev re beşdarî perwerdeyekê bûn. Ji bo ku ez kêmasiyên xwe fêm bikin û derbas bikim bi saetan bi min re axivî. Çend meh beriya şahadeta wê me hev dît. Rewşa min pirs kir. Bi awayekî îronîk tiştên ku min qebûl nekirine ji bo derbas bikim, min got “pir baş im”. Milên min girtin û li hundirê çavê min temaşe kir û got: “Tika dikim pir baş be”. Ji bo mirovan di nava têkoşînê de bigire, pir ked dida. Vê yekê pir bandor li min kir.”
‘JI PÎVANAN TAWÎZ NEDIDA’
Zîlan Diyar anî ziman got herî baş Rêber Apo qala şehîd Sakîne Cansiz kriye ku dibêje “şervana heqîqetekê ye ku bin nakeve” û gotinên xwe bi vî awayî bi dawî kirin: “Rêber Apo dîtibû ku dem, cih û merc çi dibin bila bibin, ji bo derxistina holê ya heqîqetê dê çi ji destê wê bê bike. Tişta di pişt gotina “Ha ez qetil kirim ha Sara qetil kirin” veşartî ev e. Taybetmendiyên Rêber Apo yên hilnebijartina tiştên hêsan, baweriya bi hêza heqîqetê, bi tenêbûna xwe bi hêza heqîqetê li ber xwe dan, xeta bingehîn a kesayeta heval Sara bûn. Cihê ku ew lê bû, bendewarî û perspektîfên tevgerê û Rêber Apo pêk dihatin.”
Ji damezirînerên Partiya Karkerên Kurdistanê (PKK) Sakîne Cansiz (Sara), nûnera Kongreya Neteweyî ya Kurdistanê (KNK) ya Parîsê Fîdan Dogan (Rojbîn), endama Tevgera Ciwanên Kurd Leyla Şaylemez (Ronahî), di 9’ê Çileya 2013’an de li paytexta Fransayê Parîsê ji aliyê sîxurê MÎT’a Tirk Omer Guney ve hatibûn qetilkirin.
ÇAVKANÎ: ANHA