MINBIC – Îro danê sibê Meclîsa Malbatên Şehîdan a Minbicê li dijî êrîşên dewleta Tirk a dagirker li ser Bakûr û Rojhilatê Sûriyê daxuyaniyek da ji bo raya giştî. Endamên saziyên sivîl, Tevgera Ciwanên Şoreşger û Yekîtiya Jinên Ciwan jî di daxuyanîyê de amade bûn.
Daxuyanî ji aliyê hevseroka Meclîsa Malbatên Şehîdan a Minbicê rêheval Sawsan ve hate xwendin. Di daxuyaniyê de wiha hat gotin:
“Sûc û hovîtiya dewleta Tirk a dagirker ne nû ye, ji ber ku bi sed salan li dijî gelên herêmê kuştin û destdirêjî dikin û hilweşandina dar û xwezayê. Van sûcan bi taybetî li Bakûrê Kurdistanê û li Rojava berdewam dike. Faşîzma Tirk bi sûcên xwe hemû nirxên mirovî û exlaqî û kompleksên olî derbas kiriye. Ji bo şikandina vîna gelên herêmê bi hemû rêbazên qirêj dixebite. Herî dawî li Bakûrê Kurdistanê sembola şehîdan hate bombekirin û rûxandin. Sûcên wê yên dijî pîroziyan gelan li wir tenê nayên kirin, berevajiyê wê, li herêmên dagirkirî yên Efrîn û Serêkaniyê mezarên şehîdan destwerdan, dizî û xera kir û mezarên şehîdan veguherand wargehên bazar û baregehên leşkerî, heta gemarî gihîşt wê astê ku termên şehîdan di sindoq û çenteyan de ji malbatên wan re li bakurê Kurdistanê şandin da ku moralê gelên herêmê bikujin. Sûcên faşîzma Tirk hemû nirxên mirovahiyê, kevneşopî û dersên îslamî binpê dike, ji ber ku bi destdirêjî û xirabkirina mezarên şehîdan, sûcên xwe li ser kîjan nirx, têgeh û exlaqê esas digirin?
“Hûn li ku ne, hûn ên ku banga mirovahiyê dikin?” “Hûn li ku ne, rêxistinên mafên mirovan?” “Hûn li ku ne, welatên garantor ji van kiryarên sûc?” Êdî bes e ji bêdengiya we, di bêdengiya xwe de hûn şirîkên sûcên wê ne. Ji ber vê yekê em bang li raya giştî û navneteweyî dikin û ji civaka navneteweyî û hemû cîhanê daxwaz dikin ku xwedî wijdanê zindî bin û hewl bidin rê li ber berdewamiya kiryarên dijmirovî û neexlaqî yên dewleta Tirk a dagirker ên li dijî pîroziyên gelan bigirin. Em wek malbatên şehîdan ji bo azadiya xak û gelê xwe me şehîd dane û emê bidin û em ê li hemberî her êrîşeke li ser me dike, girêdayî rûmet, azadiya xaka me û mîrateya şehîdên me bin.”