HESEKE – Tevgera Ciwanên Şoreşger a herêma Cizîrê konferansa xwe ya 3’emîn li dar xist. Konferans bi şiyara “Bi vejîna ciwanan xwe rêxistin bikin û Rêber Apo azad bikin” û bi amadebûna nêzî 1000 delege ji tevahî herêma Cizîrê pêk hat.
Piştî deqayekî rêzgirtin li ser giyanê şehîdan, xwendina perspektîfên Rêber Apo û axaftinê vekirinê ji aliyê endamê rêveberiya kantona Heseke Şiyar Mehmed, konferans bi coş berdewam bû.
Sînevîzyonekî li ser kar û xebatê Ciwanên Şoreşger hat pêşkêşkirin. Piştî wê sekna ciwanan di xeta Rêber Apo de hat nirxandin. Rewşa siyasî ya li herêmê jî bi berfirehî hat nirxandin. Piştre beşdaran nêrînê xwe li ser rewşa ciwanan û pêwîstiyên xebatê rêxistinkirinê anîn ser ziman.
Ji bo erkê Meclîsa Ciwanên Şoreşger a herêma Cizîrê, 22 ciwan hatin hilbijartin. Wan li beramberî konferansê soza pêkanîna karê xwe bi durustbûn, tekoşîn û li gorî fikirê Rêber Apo dan.
Di dawiyê de encamnameyê konferansê ku ji aliyê Meclisa Ciwanên Şoreşger ya herêma Cizîre ve hat amade kirin hat xwendin û tê de 15 biriyarên konferansê hatin eşkere kirin.
Encamnameya wiha ye:
“Em wek Tevgera Ciwanên Şoreşger ya herêma Cizîre bi li dar xistina konferansa xwe ya sêyemîn, ji serî de li Rêber Apo u tevahî ciwanên şoreşger û malbatên şehîdan pîroz dikin. Me li şert u zurufê şer de û bi diruşmeya “Bi vejîna ciwanan xwe rêxistin bikin û Rêber Apo azad bikin” konferansa xwe pêk anî û wekî tê zanîn dijminê hov bi hemû hêza xwe li hember me şer dike û zêdetir ji 3 salê ku bi tu awayî agahî ji Rêbertîya me nayê girtin û di wan kêlîyande şerekî pir dijwar li çiyayên azad tê meşandin. Me jî wek tevgera ciwanan bi rihê tolhildanê û bi hêza xwe ya berpirsyartî di konferansê xwe de biryar da ku li hember hemû cure êrîş û dagirkerî li ser axa me, bi xwe berpirsiyar dîtin û serxistina şerê gelê şoreşgerî, bi rihê ciwantî, riha şoreşê tevbigerin, gel u ciwanên xwe biparêzin.
Em di konferansê de wek tevgera ciwanan a herêma Cizîre ji bo pêkanîna berpirsîyartiyên demê wan biryaran da:
1. Heya azadiya fîzîkî ya Rêber Apo bi tu awahî rehet neseknîn û hertim di nav têkoşînê da bin. Her êrîşek û metirsiyek li ser Rêberti li ser xwe bibînin û çalak tekoşin bikin.
2. Paradîgmayê Rêbertî bixin bingeha zanabunê u pêşxistina kesayet û guhertina civak.
3. Ji bo belavkirina fikirê Reberti “panel, semîner, komxebat û konferans” rêxistin bikin.
4. Xebatê perwerde weki karê esasîya bê navber bê meşandin, heri kêm 10 dewreyên perwerde bên vekirin. Giranî bidin avakirina çand û exlaqa resen ya felsefeya Apoyî di nav ciwanan de.
5. Ji bo parastin û avakirina bingeha şerê gelê şoreşgerî pêşengî bikin û bixin karê xwe yê sereke.
6. Bi armanca ku yek ciwan bê rêxistin nemîne, hemû ciwanan bi fikir û felsefeya Rêberti rêxistin bikin.
7. Peşengtîya avakirina sîstema netewa demokratik bikin, komin û meclisên ciwanan li her derê rexistin bikin.
8. Komiteyên parastinê li ser esasê stratejiya şerê gelê şoreşgerî û bi şiyara “mala xwe, taxa xwe û welatê xwe biparêze” bi rêxistin bikin.
9. Li hemberi hemû êrîşên şerê taybet weke “fuhoş, madeyên huşbir, ajantî, teknîk û jiyana xeyalî” şerek îdeolojîk û tekoşinek bê navber were meşandin.
10. Li hemberi hemû erişen dijmin “dewleta tirk, dewleta Sûriyê û hemû hevkarên wan” her di nava tekoşînekî radîkal de bin û heya hemû axa Sûriyê û giştî Kurdistane rizgar bikin û ji bin dagirkeriyê xilas bikin her di nava şer û tekoşinê de bin.
11. Giranî bidin xebatê çand û huner, spor, weki lêvegera çand û hunera xwe ya resen.
12. Xeta çalaki dewlemend bikin û refleksên ciwanan zindi bihêlin.
13. Xwendina parznameyên Serokatî wekî karê xwe ye sereke bibînin û wan li her derê belav bikin.
14. Festivalekî çandî û hunerî li ser asta herêma Cizîre bê rêxistin kirin.
15. Rê li pêşiya koçberi û betalî bigirin, bi pêşxistina koperatifên ciwanan taybet.
Silav û rezen şoreşgeri
Meclisa Ciwanên Şoreşger ya herêma Cizîre
2024.02.25″
