BEHDÎNAN- Fermandariya Biryargeha Navenda Parastina Gel (NPG) têkildarî Hefteya Lehengiyê daxuyaniyeke nivîskî da.
Di daxuyaniya Fermandariya Biryargeha Navendî ya NPG de ev tişt hatin gotin:
“Rêberên ku hişmendî û ruhê azadiya gelan afirandine, lehengên dîrokî hene ku bi pêkanîna van rêberan serkeftinên mezin çêkirine. Her gel li ser bingeha destanên lehengên xwe yên dîrokî digihêje ruhanîyek mezin û nasnameya neteweyî. Gelê Kurd ê xwedî li nirxên xwe yên civakî, bi israr, wêrek û esilzade bûye xwedî lehengên dîrokî yên ku di dîrokê de lehengiyê nîşan dane. Ji hesinkar Kawa’yan heta Artêşa Nemir a Med, bêhejmar lehengên ku navên xwe di dîrokê de kirine, di bîra dîrokî ya gelê Kurd de hatine tomarkirin. Rêber Apo ku di roja Newrozê de dest pê kir, Serdema Lehengiya Neteweyî ya herî bi rêxistin û hemdem a gelê Kurd da destpêkirin. Pêşengên damezrîner ên Tevgera me ku bi hişmendî, dil û canê xwe îdeolojiya Apoyî hundirîn kirin û bi Rêber Apo re hatin cem hev, serdema herî birêxistinkirî, herî xurt û bênavber a lehengiya neteweyî ya gelê Kurd afirandin û diyariya herî watedar a dîrokê dan li ser gelê me. Ji bo parastina hebûna gelê me, misogerkirina azadiya wî û misogerkirina paşeroja gelê me, bi fedakariya xwe bê dudilî qehremanî û lehengiya xwe nîşan dan.
Gelê Kurd hefteya di navbera lehengiya mezin rêheval Çagdaş Kawa Mazlum Dogan 21’ê Adarê û roja şehadeta rêheval Mahsum Korkmaz, fermandarê efsanewî yê gerîlayên Kurdistanê, weke Hefteya Lehengiya Neteweyî pîroz dike. Rêheval Mazlûm û Mahsûm weke kesayetên hêja ku herî zêde hişmendî û cesareta partiya me PKK’ê pêk anîne, bûne navê sekna fedayî ya leheng a îdeolojiya Apoyî ku derbasî dîrokê bû. Helwesta dîrokî ya rêhevalê hevdem Kawa Mazlûm Dogan li Zindana Amedê ruh û xeta berxwedanê ya Partiya me diyar kir û rêheval Mahsum Korkmaz ku ev ruh ji xwe re pêşengî kir û berê xwe da çiyayên Kurdistanê, dest bi gerîlatiyê kir ya bi Pêngava 15’ê Tebaxê ya dîrokî ya fedaî ye. Rêheval Mazlûm û Mahsûm ku weke sembol, ruh, leheng û mêrxasên leheng di dîroka Kurdistanê de cih girtin, bûne meşaleyên nevemirî yên serdema lehengiya neteweyî ya gelê me. Li ser vê bingehê em hefteya Lehengiyê li gelê Kurd û hemû hevrêyên xwe yên li her qadê têdikoşin pîroz dikin. Em di şexsê qehremanên xwe yên neteweyî de hemû şehîdên xwe bi rêzdarî, minetdarî û bejna xwe ya kûr bi bîr tînin, em diyar dikin ku em ê di bin her şert û mercî de ji şopandina bê eman a xeta şehîdan tawîz nedin.
Rêheval Egîd (Mahsûm Korkmaz) bi dilsoziya xwe ya kûr a ji Rêber Apo re ku bi serketina têkoşîna azadiya gelê Kurd bawer dike û bi kelecaneke mezin li ser gerîlatiyê dimeşîne, fermandarekî mezin e ku îdeolojiya Apoyî pir baş fêm dike û di hundirê xwe de dihewîne. Rêheval Egîd rêberê gel ê payebilind ê îradeya azad û lehengiya gelê Kurd e. Rêheval Egîd bi şêwazê fermandariya xwe ya mînak Pêngava 15’ê Tebaxê ya bi rûmet pêk anî û bi veguherandina şêwaza gerîlatiyê rêya şerê gelê me yê şoreşgerî diyar kir. Meşa bi biryar rêheval Egîd di mezinbûna artêşa me ya gerîla, belavbûna wê li çar aliyên Kurdistanê û afirandina şerê gelê me yê şoreşgerî û gerîlatiya serketinê bû.
Têkoşîn û meşa me ya lehengî ya gerîla ku bi guleya yekemîn a fermandar Egîd destpê kir, îro bûye artêşeke fedaî ya bi ruhê fedayî yê Apoyî şer dike. Îro di têkoşîna gelê me ya şoreşger a bi pêşengiya Gerîlaya Azadiya Kurdistanê de, berfirehkirina taktîkî ya HPG’ê, asta ku bi ji nû ve avakirinê bi dest xistiye, di afirîneriya taktîkî û pêkanîna wan de pêkhatina wê de, hêza wê ya bi teknîka xwe bi cih tîne. Di xizmeta taktîkan de û ya herî girîng jî pratîkkirina van hemûyan bi ruhê fedaî yê Apoyî, gelê Kurd ji bo me nirx û destkeftiyek dîrokî ye. Gerîlaya Azadiya Kurdistanê bi meşandina li ser şopa şehîdên xwe û pêkanîna armancên wan yek bi yek têdikoşe ku bibe layîq. Em soz didin ku em ê bi hişmendî, ruh, bawerî û îradeya ku em ji lehengên xwe mîras digirin, têkoşîna xwe hîn mezintir bikin û em ê layiqî bîranînên wan bin.
Em gelê Kurd ê leheng ên ku bê dudilî li ser şopa lehengên xwe meşiyan û kirin kumpasa hişmendî û dilê xwe û bi pîrozkirina Newroza azadiyê lehengên xwe bi awayekî bi heybet pîroz kirin, silav dikin. Em careke din Hefteya Qehremaniyê li gelê xwe yê welatparêz û hevrêyên xwe pîroz dikin û di têkoşîna azadiyê ya li her qadê de serkeftinê dixwazin.”
