WAN- Li bajarên Serhedê li gorî encamên nefermî, di hilbijartinan de li 35 navendan Partiya DEM’ê bi ser ket.
Li Bakurê Kurdistanê ciwan serkeftina partiya xwe ya ku li navenda Wanê û hemû navçeyên wê bi awayekî eşkere li pêş e, pîroz dikin.
Ciwanên li Bakurê Kurdistanê li navenda Wan û hemû navçeyên bê navber siloganên “Bijî Serok APO” berz kirin û bi bîr xistin ku nûnerê Tevgera Siyasî ya Kurd DEM’ê tevî hemû hîle û rêbazên şerê taybet bi ser ket. Ciwan bi fîşekên hewayî dest bi pîrozbahiyê kir. Tevî ku polîs û leşkeran hewl dan pîrozbahiyên ku bi beşdariya bi hezaran ciwanan pêk hatin bi tundiyê asteng bikin jî, lê dagirkerên ku bi îradeyeke xurt re rû bi rû man, nekarîn pêşî li pîrozbahiya pîroz bigirin.
