NAVENDA NUÇEYAN- Portre:
Ji Bo Bîranîna Şehîd Vejîn Jîyan
Ey Heval
Her çiqas demsal payîz bê jî
Pel hildiweşin
Zer dibe şînahî û hustî xwar dibe
Her çiqas perperok bêhnên xwe yên dawî didin
Êdî xweza rengê Jîyanên nahawînê
Û hêdî hêdî bêhna berfê jî tê
Bila kenên li ser lêvên te bijîn
Em hê jî destpêka buharê de ne
Bifikre
Destê me li ser ruyê azadîyê diherike
Guhên me li ser dilê pêşerojê
Dengê şahîya serkeftinê guhdar dike
Dilşad be Heval
Şopdarên te hêrsa xwe kirine devê tivingên xwe
Dilên xwe danîne li ser sînga Welat
Û diqîrin
Ey Heqîqet
Ey Heqîqet
Ey Heqîqet
Cizîr, Cizîra Botan. Warê xwedewandan, Zîna Zêdan, warê Şehîdan, Egîdan û paytexta Berxwedanê… Di dîroka gelan de carinan tiştên ku qederê diguherînin û dibin destpêkeke nû. Ev tişt carinan wek bajar, Carinan wek ax, Carinan wek hêvî, carinan jî wek qehremanan e. Cizîra Botan di dîroka Kurdistanê de van tiştan hemû di xwe de dihewînê. Di dîroka Kurdan û berxwedanê de ev bajar bê teredût wek paytexta serhildanê cihê xwe diparêze. Gelek caran tê wêran kirin, talankirin û komkûjîyan re rû bi rû dimînê. Lê ev bajar tu carî zilmê re serî natewîne. Demên ku zilma zordaran digihêje asta herî jor û zordaran dibêjin ‘’ Me hevî jî kuşt’’ di wê demê de di nav dilê vê bajarî de hêvîyên azadîyê ji nû ve şîn dibin û welatê rojê belav dibin. Ev bajar axa xwe ya şewitî ve xwe ji nû ve diafrînê û zarokên wek xwe berxwedêr diyarîyê doza welat dike. Zarokên ku vî bajarê derdikevin vê bajarê û vê dozê re dibin yek û pêşengtîya rêwîtîya rûmetê dikin.
Heval Vejîn Jîyan jî wek Zarokekê vê axa berxwedêr, piştî komploya navnetewî di sala 2000’î de di malbatekê walatparêz de ji dayîk dibê. Ji ber gelek tevlî bûn û şehîdên malbata wê û çanda bajarê qedîm naskirina wê a partîyê di temenekî biçûk de dest pê dike.
Di sala 2015’ an de Dewleta tirk li seranserê Bakur û dijî Herêmên parastina Medyayê êrîşên qirkirînê ên berfireh dide destpêkirin. Li dijî van êrîşan di pêşengtîya ciwanan de ji bo parastina gel, gelek bajaran de xendek kolandin û ciwan ketin pozîsyona parastinê. Di van bajaran de şerê ku herî dijwar pêktê yek jî bajarê berxwedanê Cizîre li hemberî êrîşên dijmin ên dijmîrovahî Mehmet Tûnç helwesta berxwedanê dîyar dikin. bi Sedan Ciwanên Kurd berxwedaneke bêhempa ve paytexta rumetê de destanek nû dinivîsîn. Hevala Vejîn jî yek bi yek dibe şahîde vê destanê. Îrade azîm û bîryardarîya PKK’yan bi nêz ve nasdike. Piştî vê şahîdîyê êdî biryara wê zelale wek jineke Ciwan a Botanî 15 salîya xwe de pergala heyî red dike û berê xwe dide Çîyayên azad. Ew bi temenekê biçûk de ferq dike ku di nav pergala heyî de ‘’Jîyana şaş dê rast neyê Jîyankirin’’. Wê şopa xwedewandan, Zîlanan, Bêrîtanan û Vîyanan bişopanda.
Vejîn Jîyan ji ber temenê xwe tevlî xebatên Komalê Ciwan dibe. Demeke kurt de xwe perwerde dike û dibe militaneke serdemê. Di serî de Şengal, Rojava û gelek qadan de xebatan dimeşînê. Ji ber sekna xwe ideolojîk him di nav Hevalên xwe û him jî Cihên kar û xebat dimeşîne de tê hezkirin û derdikevê pêş. Hemû bîryarên xwe de bê teredût û zelal bûyîna wê nîşaneya kurbûyîna wê a ideolojîya Rêbertî tê. Di dîrokê de yekemîn jin hatibû kolekirin, dê vê Heval Vejîn evîna dilê xwe hişmendîya rêxistinê re dike yek û hemû Jîyana xwe ve dibe rêwîya rêya azadîyê. Taybetmendîyeke wê ya herî pêş yê di vê rêyê de tenê bi xwe ve sînordar nemayîn e. Polîtîkayên dijmin ên li ser Ciwanên Kurdistanê dîyar bûn fuhuş, maddeyên hişbir, Jîyana sanal û çanda yoz ve dijmin dixwest ciwanan bixe bin qontrola xwe û bi vê awayê di şexsê ciwan û jinên ciwan de gelê kurd bê hêz û bê hêvî bihêle. Hevala Vejîn taybet Bakur û Rojhilatê surîyê de bi çeka xwe ya herî bandor ango zanabûna rêxistinî ve li dijî van polîtîkayên tekoşîneke bêhempa dide meşandin. Demek kurt de gelek ciwanên Rojava perwerde dike. Ciwanên kurd û ereb de hişmendîyeke civakî dide avakirin û bi vê awayê wan tevlî tekoşîna azadîyê dike.
Hevala Vejîn derveyî îdeolojî bûyîna xwe bi fedakarî û mûtevazîbûyîna xwe ve jî derdorê xwe bandor dike. Wê baş dizanîbû ku kesên ku dixwazin şoreşgerîyê bikin divê pêşîyê di xwe de şoreşê pêk bînin. Karên ku dixwazin civakê azad bikin divê pêşîyê ji xwe azad bikin. ji ber vê jî Jina ciwan a cizîra botan xwe bi her awayî taybetmendîyên koletîyê ên pergalê azad dike. Ew di şopa heqîqetê de şoreşgereke azadîyê a bêhempa bû. Belkî wê xeyalên xwe ên herî mezin gerîlatîya Botanê, Dersîmê û Bakur pêk nehanî lê li ser şopa wê niha gelek ciwan û jinên Ciwan gav bi gav ber bi xeyalên wê ve dimeşin. Wê çawa ku 8 salên di nav partîyê de tekoşîneke têr û tijî ve derbas kir, bi Şehadeta xwe a bi wate ve jî di sala 2023’an de di navbera rihê 14’ê Tirmehê û 15 tebaxê de bû pireyek Vejînê.
