NAVENDA NÛÇEYAN – Rêxistinên ciwanan Ferhat Kurtay, Necmî Oner, Eşref Anyik û Mahmut Zengin yên di 17’ê Gulana 1982’an de li Girtîgeha Hejmara 5’an a Amedê bedena xwe dan ber agir û Haki Karer û Îbrahîm Kaypakkaya bi meş û daxuyaniyê bi bîr anîn.
Stenbol
Ciwanên Demokratîk ên Nû (YDG), Meclîsa Ciwanan a Partiya Wekheviya Gel û Demokrasiyê (DEM), Meclîsên Xwendekarên Azad ên Stenbolê (ÎSOM), Hêzên Şoreşger ên Ciwanan (DEV-GÛÇ), ji bo bîranîna şoreşgerên di meha Gulanê de jiyana xwe ji dest dane ji bajarê Stenbolê ji Parka Yoğurtçu ya Kadikoyê heta ber Süreyya Operası meşiyan.
Di meşê de timî dirûşmên “Rêberê me Îbrahîm Kaypakkaya”, “Şehîdên şoreşê namirin”, “Haki Karer dijî, têkoşîn dewam dike” hatin berzkirin. Girseya ku hat pêşiya Süreyya Operası ji aliyê polîsên Tirk ên faşîst ve hat astengkirin. Piştî astengkirinê polîsên Tirk ên faşîst derb kirin û gelek kes binçav kirin. Girseya gel bi dirûşmeyan bersiv da êrîşa polîsên faşîst ên Tirk û astengkirinê.
Îzmîr
Rêxistinên ciwanan ên Îzmîrê piştî meşê li Kolana Alsancak Kîbrîs Şehîtlerî daxuyanî dan. Çalakgeran pankarta “Helbet em ê dewleta qatil hilweşînin”, “Bijî têkoşîna me ya rêxistinkirî” û “Rizgarî bi tenê nabe, hemû bi hev re ne ya me ne” vekirin û pankarta “Ev pola wê ji bîr neke.” ava ku girtiye, Îbrahîm Kaypakkaya, Haki Karer û Çaran di têkoşîna me de zindî ne.”
Li ser navê rêxistinên ciwanan endamê Yekîtiya Ciwanên Sosyalîst (GSB) Yusuf Metîn Karakaya axivî û diyar kir ku şoreşger li hemberî şert û mercên zext û mêtîngeriyê li ber xwe didin. Karakaya got, “Bi biryardariya gel em 18’ê Gulanê ku Rêberê Komunîst Îbrahîm Kaypakkaya, Hakî Karer û Çar hatin nemirkirin pêşwazî dikin.
Em Îbrahîm Kaypakkaya yê ku dewletê tehemmul nekir navê wî bê gotin û wêneyê wî bê hilgirtin bi bîr tînin. Ji ber ku em dizanin ku şoreşgerên ku ji bo avakirina rêya rizgariya vî gelî derketin pêşberî me, xwedî pratîk û xeteke ku wê roja me ronî bike. Ew stêrkên polar in ku li hemberî polîtîkayên zext û zorê yên heyî rê li ber têkoşîna me didin. Em mîrasgirên rêbaza şoreşgerî ya Kaypakkaya ne, ku ji berxwedana karkeran a 15-16’ê Hezîranê heta dagirkeriya li her derê serhildan û berxwedan rû da.”
