NAVENDA NUÇEYAN – Namzetên Hevbendiya Gelan û Jinan a ji bo azadiyê, li pêşiya navenda Partiya Yekitiya Demokratîk (PYD) ya li bajarê Dêrikê kom bûn û çûn sûka navendî û broşûrên xwe belav kirin.
Her wiha bloka “Bi hev re ji bo xebatên baştir” a ku ji Partiya Kesk a Demokratîk, Partiya Nûkirin a Kurdistanê, Partiya Çep a Demokratîk a Kurd li Sûriyeyê, Partiya Biratî ya Kurdistanê, Yekitiya Karkeran a Kurdistanê pêk tê, propagandaya xwe ya ji bo hilbijartinan didomîne ku li bajarê Çilaxa broşûrên xwe belav kirin û bernameya xwe bi şêniyan dan nasîn.
Tê payîn ku hemle heta 10`ê vê mehê berdewam bike.
Her wiha Hevbendiya Gelan û Jinan a ji bo azadiyê, danasîna bernameya xwe li bajarê Çilaxa didomîne û piştî ku li navenda bajêr bi dawî kir, niha derbasî gundan bû.
Partiya Avakirin û Pêşxistinê ya Sûriyeyê ku 12 namzetên wê hene, danasîna bernameya xwe û namzetên xwe bi şêniyan re didomîne.
Hevbendiya Gelan û Jinan a ji bo azadiyê broşûrên xwe li şêniyên bajarê Minbicê bielav kirin.
