MÊRDÎN- Li navendên Artûklû û Qoser ên Mêrdînê di saetên siharê de bi rengekî hemwext bi ser gelek malan de girtin. Di serdegirtinê de birayên bi navê Serhat Akpinar û Bawer Akpinar, Remezan Kalkan, Çekdar Ermîş, Rûbar Kaya û gelek ciwanên ku navê wan nehat zanîn, hatin binçavkirin.
Di serdegirtina mala Ramazan Kalkan a li Taxa Saraçoglû ya li Artukluyê de Kalkan hate binçavkirin. Her wiha bavê Kalkan, Davut Kalkan, birayê wî Agît Kalkan û Emîne Kalkan hatin derbkirin. Ji ber derbkirinê hinek deverên endamên malbatê şikestin, laşê wan reş û şîn bûn. Ji ber derba li endamên malbatê hatibû kirin, xwîn vepeşiyabû ser xalîçeyan û hat zanîn ku Emîne Kalkan ducanî ye. Endamên malbatê çûn Nexweşxaneya Perwerde û Lêkolînê ya Mêrdînê û ji bo serlêdana sûc rapora derbkirinê standin.
