KOBANÊ– Jina ciwan Silava Ararat ku di pêşbirka helbestan a Şehîd Nûjiyan Ocalan de serket helbestê xwe ji ajansê me re xwend.
Pêşbirka helbestan ji aliyê Yekîtiya Jinên Ciwan li ser asta Bakûr û Rojhilatê Sûriyê vê li ser navê Şehîd Nûjiyan Ocalan hatibû li darxistin. Jinên Ciwan ji Dirbesiyê heya Şehba helbestê xwe rêkirin. Îro li bajarê Kobanê helbest ên ku serketin û hemû jinên ciwan ku pêşdarbûn hatin pîrozkirin. Herdû helbestvan ku di pêşbirkê de bi serketin helbestê xwe xwendin.
Silava Ararat ki bajarê Kobanê ye û di xebatê şaredariya bajarê Kobanê de cihê xwe digre.
Navê helbestê xwe ‘’Tirêja Kobanê’’ ye. Silava Ararat dibeje ku di helbestê xwe de behsa êşê şerê Kobanê û yê Efrînê jî dike.
Helbesta Silava wiha ye:
“Tirêja Kobanê
Îro bayek hat ji Miştenûr
Dûman civiya li jor
li rojhilatê Kobanê tîrêjek hilat
li ser alî bi ronaziya rewreng
da rêz bûn li pey hev
Di parzemîna dilê min de êvîn komkir
Di çavkaniya gotinên min de xwe nepenîkir
Bi nepenî li hevokên westiyayî
di çîrokan nîvçomayî guhdar kir
di wargeha çavên te rûniştîm
û bi bijankên te yên stû xwar şadibime
Di Kolanên dilê te de dibim rêwî
te qet serî ranekir û li min nezivrî
di buhişta bejna te de
bi hezaran firişte veşartine
û yek ji wan firişteyan ez im
û em tev dengê xwe li cihanê vedidin
Ji ber keziyên te di heneya azadiyê de hatiye strandin
û tê strandin û bi rengê keskesorê tê zêwrandin
li çar alî Kurdistanê tê weşandin
Te pelekji rûyê dîrokê şeland
û navê xwe li ser nivisand
Te disa bigîlî por hildaye
Ji ber awirên hovitiyê girêdaye
Eşqek ducanî di dilê her êşê de
çîroka xewnek nîvçomayî berdewamkir
Bi rojgerên nîvqorçî, bi mohra xwînrijî
Bi zimanekî hişk mirin xwe di guhên me de dihelwisîne
Dixweze te cardin nîvço bihêle
Gelek şev û roj
li kirasê te geriyan
Di nav çavên te de dinaliyan
ka bihûne azadiyê
ka bihûne aştiyê
girêbidin li bêjn û bala xwe helbestên min
bikin gerdenk peyvên min
xwe bixemilînin bi gotinên min
Gef,metirsî,teqereqa bombeya we
sam nake hundirê me
Ji ber tu heyî…em nabin mebesta sargunên we
nabin arduyê arguna we
hûna me bi mirinê ditirsînin
lê mixabin
çirûskên nezin di perenga destanên te de
tê nivisandin û weşandin
û li ser sêla helbestvanan tê biraştin
û pêl bi pêl li ser ahingan
bi hesreta van riyan
Berî didim qûlbeya çavan
Dikim nimêja berbangan
û
li ser xwe dipêçim ala Kurdistan
bandikim bijî Kurd û Kurdistan”
