NAVENDA NÛÇEYAN – Endama Înîsiyatîfa Ciwanên Rojhilata Navîn û Bakurê Afrîkayê Medya Yûsif têkildarî Konferansa Ciwanên Rojhilata Navîn a ku di navbera 8 û 9’ê Hezîranê de li paytexta Lubnanê Beyrûtê pêk hat ji Ajansa Nûçe Ciwan re axivî.
Yûsif bal kişand ser naveroka mijarên ku di konferansê de hatin nîqaşkirin û wiha got: “Em dikarin bibêjin ku nîqaşên berfireh hatin kirin, bi taybetî li ser mijarên olperestî, zayendperestî û neteweperestiyê, pirsgirêka netewe-dewletê, mafên jinan û mafên mirovan gelek niqaşên kûr hatin kirin .”
Medya Yusf diyar kir ku piştî konferansê Koordînasyoneke ku ji nûnerên gelek welatan pêk tê hat avakirin û got, “Ji bo vê koordînasyonê wê di demeke nêz de civînek bê lidarxistin. Mijarên civînê rojeva xebatên konferansê û pêkaninîna xebatên konferansê ne. Dê ev rojev di nava endamên koordînasyonê de bên belavkirin û pêwîstiyên pêvajoyê esas bên girtin.”
Yek ji endamên Koordînasyona ku hatiye avakirin Medya Yûsif ragihand ku ew ê di demeke nêz de li welatên Rojhilata Navîn bi beşdariya gelek ciwanan komxebatan li dar bixin.
Naveroka Axaftinê wiha ye:
Navê min Medya Yusif e. Ez endamê Komiteya Ciwanên Rojhilata Navîn û Bakûr Rojhilatê Surî me.
Konferansa Ciwanên Rojhilata Navîn di dîroka 8 û 9’ê mehê li Lûbnanê hat li darxistin. Piştî amadekariyên demdirêj encamên hevdîtinên ku hatin kirin û encamên komxebatên ku hatin çêkirin konferans hat li darxistin.
Tevî beşdarbûyina gelek welatan, ji 15 welatan û 4 aliyên Kurdistanê gelek delege beşdarê konferansê bûn. Bi niqaşên têr û tije konferans derbas bû.
Taybet jî em dikarin bêjin di mijarê olperestî de, zayendperestî de, netewperestî de, her wiha di mijarên netew- dewlet de, di mijarên mafê jin de, di mijarên mafê pêkhateyên ku di hundirê wan welatan de jiyan dikin niqaşên têr û tije hatin kirin.
Her wiha ji bo dozên gelan; gelên ku ji bo mafên xwe tekoşînê dikin, li ser esasê ku demokrasî ji gel re çawa bê avakirin, li ser boyutên Netewa Demokratîk niqaşên têr û tije hatin kirin.
Di encama vê konferansê de kordinasyonekê Ciwanên Rojhilata Navîn û Bakurê Efriqayê hat avakirin. Ev kordinasyona ku hat avakirin mirov dikare erenî binirxine. Hem nêzikatiyên wan li hemberê konferansê xwe berpirsiyar dîtin jî, her wiha bi coş û heyecana konferansê ji bo karekê stratejîk bê kirin ji bo ciwanan û karekê ji bo pêşengtiya ji ciwakê re bê kirin erkê koordinasyonê girtin li ser milê xwe.
Welatên ku di vê koordinasyonê de cihê xwe grtin;Tunus, Yemen, Ûrdun, Misir, Sûdan, ji Tirkiye û Bakurê Kurdistanê, ji Rojava, her wiha ji Başurê Kurdîstanê, ji Ermenîstan bigre heta ji hundirê Surî jî û Iraq, Filistin dinav de gelek welatên ku beşdarê konferansê bibûn jî di nav vê koordinasyonê de cîh digrin. Taybet jî di nava koordinasyonê de bêşdarbûyîna jinên ciwan ji bo ku hêz dayîna vê koordinayonê û ji bo pêşengtî ji vê koordinasyonê re bê kirin de ev xebat girtin li ser milê xwe.
Ev koordinasyon wê demekê pir nêz de cîvina xwe çêbike. Mijarên civînê de herî zêde rojevkirina xebatên ku di konferansê de hat meşandin pratîzekirina van rojeva çawa bê kirin. Erk dayîna endamên koordinasyonê li ser esasê çawa pêşengtî ji pêvajoyê re bikin wê li ser vê esasê civîn bên li darxistin.
Di heman demê de xwe gihandina hemû beşên jin û ciwanên di Rojhilata Navîn de dikeve li ser milê endamên vê koordinasyonê. Em dikarin bêjin piştê konferansê sê rexistinên jin re ji welatên cûda cûda encamên ev konferansa ku hat çêkirin tekilî hat avakirin. Ev rexistinên jin jî xwestin divê koordinasyonê de cîh bigrin rixmê ku beşdarê konferansê nebû bûn jî lê ji ber ku konferans bi xebatekê têr û tije derbas bû van rexistinên jin xwestin ew jî bibin beşekê vê koordinasyonê û di nav vê koordinasyonê de karekê têr û tije bimeşînin.
Her wiha armanca ku di konferansê de derketin pêş ku ciwanan ji bo pêşaroja xwe danîn pêş. Li ser van esasan civinên koordinasyonê ji bo ku van armancan pêk bine 1’ê Tirmehê were li darxistin. Gelek mijarên ku di vi civinê de bên nirxandin jî henin. Em dikarin bêjin ku hemû kes xwe berpirsiyar dibine di milê erk girtinû berbirsiyarî girtinê ji bo pêkanîna armancê konferansê de. Çerçeweyên ku di konferansê de hatibûn niqaşkirin bi ciwanên welatên xwe re di nava diyalogê de bin. Her wiha çareseriyên ku di konferansê de hatibûn li ser ziman van çareseriyan di xistina rojevên jin û ciwanan ku di welatên tê de jiyan dikin. Her wiha piştî civina ku li ser online bê kirin em dixwazin wek koordinasyon di her welatekê de li ser esasê mijarên ku di konferansê de jî hatin niqaş kirin komxebatan lidarbixin. Ji ber ku gelek ciwanan hêza çareseriyê digerin û lêgerinên wan henin, dixwazin guhertin û veguhertinan çêbikin. Dibe ku konferansê de ne amadebûn lê belê xwestekên wan ku bibin beşekê çalak ji bo pêkanina encamên konferansê de pir zêde heye.
Lewma di plansaziyên me de ev heye em bikaribin komxebatan li welat li welat çêbikin, niha amadekariyên wê li ser asta Lûbnan û Misir tê kirin. Her wiha gelek welatên ku beşdarê konferansê bûne wê amadekarî bên kirin.
