KOBANÊ – Duh Yekîtiya Jinên Ciwan bi boneya salvegera 28’emîn a çalakiya fedayî a Şehîd Zîlan (Zeyneb Kinaci) 3’emîn Festîvala Şehîd Zîlan li ser asta Bakur û Rojhilatê Sûriyê li dar xist. Endamên Yekîtiya Jinên Ciwan li ser şopa Şehîd Zîlan bi Ajansa Nûçe Ciwan re axivîn.
Bêrîtan Roj, berdevka Yekîtiya Jinên Ciwan a Bakûr û Rojhilatê Sûriyê
Bêrîtan Roj, berdevka giştî ya Yekîtiya Jinên Ciwan, îro vê derê, 30’ê Hezîranê, salvegera şehadeta şehîd Zîlan ya 28’emîn dş serî de em li Rêber Apo pîroz dikin, li rêberê mirovahiyê em pîroz dikin. Di şexsê şehîd Zîlan em hemû şehîdan bibîrtînin, di heman demê de di salvegera şehadeta şehîd Zîlan de, ku di sala 1996’an de ev çalakiya xwe ya fedayî pêkanî ji ber dixwestin Rêber Apo hedef bigirin. Weke komployekî navnetewî dixwestin li ser Rêber Apo bidin meşandin, lê heval Zîlan li hemberî vê yekê bêdeng nema û bê dudilî ev çalakî pêkanî û dixwest diyar bike ku yê ku destê xwe li Rêber Apo dirêj bike wê tu car kes li hemberî wê bêdeng nemîne. Ji ber vê yekê şehîd Zîlan ku di sala 1996’an de li bajarê Dersimê di 30’ê Hezîranê de ket nav dilê dijmin de û çalakiya xwe ya fedayî pêkanî, ew bersiva herî mezin ji dijmin re bû. Ji ber vê yekê jî em ji vê derê wek Yekîtiya Jinên Ciwan em didin diyar kirin ku em jî hemû şopdarên xeta Şehîd Zîlan in, û em ê her li ser xeta şehîd Zîlan xebatê xwe bidin meşandin, rêxistina xwe bidin ava kirin ji bo em zêdetir layiq li xeta şehîd Zîlan derkevin.
Nasiya Xasiya, endama Yekîtiya Jinên Ciwan a Kobanê
Navê min Nadya, paşnav Xasiya, ez endama Jinên Ciwan ya bajarê Kobanê me. Îro li vê derê li Kobanê ya rengîn, Kobanê ya berxwedan, bi taybet li Qada Jina Azad yê ji bo bîranîna şehîdên ku çalakiyên fedayî kirin ji bo axa xwe, ji bo welatê xwe, festîvala Şehîd Zîlan a 3’emîn tê li darxistin. Ev festîval Yekîtiya Jinên Ciwan a Bakur û Rojhilatê Sûriyê pê radibe. Festîval rojeke berdewam dike. Şehîd Zîlan, em çiqas li ser biaxivin, hindik e. Em nikarin heqê wê tam bidin. Şehîd Zîlan a ku berî 28 salan çalakiya fedayî kir û gihîşt asta şehadetê ji bo serokê xwe, ji bo welatê xwe. Belkî hevala yekem ku wiha çalakiyekî fedayî kir, lê nebû ya dawiyê. Îro em dinêrin bi hezaran kes rêyê wê dişopînin. Bi hezaran kes çalakiyên fedayî dikin û digihêjin asta şehadetê. Qada Jina Azad qada şehîd Arîn Mîrkan e, ew jî mînaka herî mezin e. Rêya şehîd Zîlan tê şopandin û tê berdewam kirin. Em dibêjin wê her tim rêya wê berdewam bibe ji ber ku ji bo heqîqetê, ji bo rastiyê çalakî kir. Em weke Yekîtiya Jinên Ciwan tu carî gav paş de navêjin, emê her tim şopdarên şehîdên xwe bin. Emê her tim şopdarên rêya fikir û felsefeya Rêber Apo bin. Di dawiyê de bangawaziyê me ji tevahî ciwanan re heye, bi taybet jinên ciwan ku rabin serhildanê, xwedî li serokê xwe derkevin, xwedî li şehîdên xwe derkevin û bibin şopdarên şehîdên xwe. Şehîd namirin, şehîd namirin, bê serok jiyan nabe.
