NAVENDA NÛÇEYAN – Komîteyê Ragihandin ya Ciwanên Rojava û Komîteyê Perwerde ya Ciwanên Rojava di havînê 2023’ê de, bi derfetên kêm û weke tecrubeya yekemîn dest bi kişandina kurtefilmekî derbarê rastiya ciwanên herêmê beramberî dagirkerî û amûrên wê yên şerê taybet. Yê ku herî zêde vê projê pêşxist Vejîn Jiyan bû, lê belê berî ku film bi dawî bibe şehîd bû. Ev film, bi navê “Vejîn”, ji bo bîranîna şehîd Vejîn Jiyan hat amade kirin.
Bi dehan ciwan û jinên ciwan di nava filmê de cih girtin. Di filmê de, ciwanan tevlî hemleya “Cenga Azadiyê Serbixin” ya Komalên Ciwan dibin û di vê çarçoveyê de dest bi rêxistinkirina ciwanan li hemberî zayendperestî, bikaranîna madeyên hişbir, qirkirina çandî û talankirina xwezayê. Her wiha, ciwanan xwedî li welatê xwe û çandê xwe derdikevin û bi hedefên mezin li dijî dagirkeriyê disekinin.
Film wê carê yekemîn di salvegera 1’emîn a şehadeta şehîd Vejîn Jiyan de, 26’ê Tîrmehê, roja înê, saet 17:25 li ser ekranên Ronahî TV were weşandin.
Ciwanên kurd û ereb ku di nava filmê de weke lîstîkvan rol lîstin derbarê wate û hedefên filmê “Vejîn” bi Ajansa Nûçe Ciwan re axivîn.
Ciwanên destnîşan kirin ku ev film bi kedekî mezin û israr hat çêkirin da ku bibe hişiyareiyekî ji bo tevahî ciwanên Bakur û Rojhilatê Sûriyê û Kurdistan û ku xwesteka şehîd Vejîn pêk bînin.
Fuat Hesen, endamê Tevgera Ciwanên Şoreşger ê Efrîn û Şehba
Me soz da ku emê vê film bi serbixînin. Heya niha em li ser soza xwe ne. Çi dibe bila bibe. Ji ajokar de bigire heya kameravan û hevalên giştî, hevalên giştî kedekî herî mezin didin. Îro me dîmenê turen kişand, yê ku em cepxaneyê xwe digirin û em dimeşin, me ew meş girt. Bi rastî ew meş bi coşekî herî bilind, bi moral, bi heycanekî, bi tekoşînekî, em giştî bi hevre, me bi hev du re filmê xwe kişand û em derbasî saha bûn. Sibeh wê hîn xweştir be. Ciwanên Şoreşger, ciwanên pêşerojê, ciwanên Rêber Apo soz dane ku çi dibe bila bibe, pêwîst xwe bigihînin hemû ciwanan, li ku derê bin. Vê ciwan ku di mal de xwe kir kole, koleyê kapîtalîzmê, şerê taybet, xwe kirin koleyê dijmin. Bila rabin serhildanê wek me. Werin destê xwe bi destê me em bi hev re rabin serhildanê. Bijî Serok Apo, Bijî Partiya Karkerên Kurdistan, Jin, Jiyan, Azadî, Şehîd Namirin.
Silava Nehsen, berdevka Tevgera Ciwanên Şoreşger a Herêma Firatê
Îro roja dawî yê vê filmê ye, me film bi dawî kir. Bû heyvekî ku em film çêdikin. Ev film ji bo me ne filmekî normal e. Ev film ji me re bîranîna Şehîd Vejîn e. Di dest pê kê de heval Vejîn bi me re bû, film mi me re çêbikira. Çawa heval Vejîn gihêşt asta şehadetê me dixwest em hîn zêdetir bi israr bin û em vê film weke bîranînekî ji bo heval Vejîn çêbikin. Çawa dewleta Tirk dixwest ku em vê filmê çênekin, me di hindurê dilê dijmin de kirê kul ku emê vê filmê çêbikin. Emê vê filmê li çar parçeyên Kurdistanê, li Bakur û Rojhilatê Sûriyê belav bikin û emê ji şehîd Vejîn re bikin bîranîn. Bijî Serok Apo, Bijî Partiya Karkerên Kurdistan, Şehîd Namirin.
Eymen Hisen, endamê Tevgera Ciwanên Şoreşger ê Reqa
Helbet me biryar da ku em fîlmê heya dawî çêbikin. Ev fîlm ji bo ciwanan e. Divê ciwanan bi ramanên Rêbertî azad bibin. Ramana Rêbertî ji bo hemû gelan in, bi taybetî jî ji bo gelên Rojhilata Navîn. Bijî biratiya gelan û bijî Rêber Abdullah Ocalan.
