BERLÎN – 31. Festîvala Huseyîn Çelebî ya li Berlînê hate lidarxistin, bi dawî bû.
Pêşbirka helbest û çîrokê ya Huseyîn Çelebî ya ku îro danê nîvro dest pê kir, bi tevlîbûn û eleqeyeke mezin a ciwanan pêk hat. Di çalakiyê de helbest û çîrokên di beşên zaravayên Soranî û Kurmancî yên Kurdî, Farisî, Tirkî û Almanî de cih girtin.
Her wiha mîhrîcan bi beşdarbûna hunermendan li ser sehnê û lîstika şanoyê bi dawî bû.
Piştî lîstika şanoyê ya Şehîd Yekta Hêvî, kulîlk radestî dayika gêrîla Huseyîn Çelebî li ser dikê hatin kirin. Dema dayika gêrîla Huseyîn Çelebî spasiya ciwanan kir ku bîranîna Huseyîn Çelebî zindî kirin û têkoşînê berfireh kirin, dirûşmên “Şehîd Namirin” ên ciwanan li qada festîvalê deng veda.
Piştî ku ji bo spasiyê gul radestî malbata Huseyîn Çelebî hatin kirin, Kolektîfa Hunerî ya Yaagi ku ji aliyê ciwanên Belûç ve hatiye avakirin, li ser rewşa siyasî ya Belûçistanê şanoyek pêşkêş kir. Wî bal kişand ser girîngiya mezinkirina dostaniya gelê Kurd û Belûç di berxwedana li dijî dewletên metînger de. Piştî çalakiyê ciwanan bi dirûşma “Hoch die Internationale Solidarität” gelê Belûç silav kirin.
Piştî performansa ciwanên Belûç, di beşa tirkî de xelatên çîrok û helbestan pêşkêşî kesên serketî hatin kirin.
Piştî merasîma xelatkirina beşa Tirkî, Sheyda Ghavamî derket ser dikê û bi ciwanên Kurdistanî û dostên wan re hat cem hev.
Piştî konsera Şheyda Ghavamî, di beşa Kurmancî de xelat ji bo kesên ku di beşa Kurmancî de helbest û çîrokên bi ser ketine hatin dayîn.
Di beşa Kurmancî û Tirkî de kesên bi ser ketin ev in:
Şaxa Helbesta Kurmancî:
1. Pevgihana Winda – Mahmut Aba
2. Hewirzeya Şîn – Milan Eyûb
3. Asta Azadiyê – Welat Xerîb
Şaxa Çîroka Kurmancî:
1. Leyla Saraç – Loqman
2. Eyüp Tungay – Galegalên Berberojkan
3. Ahmet Çelîk – Rojîn
Çîroka Tirkî:
1. Gulan Botan – Sûriye
2. Zeynep Nêrgiz – Axa Axînê
3. Salih Erol – Mendil
Helbesta Tirkî:
1. Botan Bahoz – Kevir
2. Hüseyin Kuzucan – Min Îcad kir
3. Seyfettin Mahmutoglu
Piştî xelatên di beşa Tirkî de hatin dayîn, Rotînda derket ser dîkê û stran got.
Piştî Rotînda, Hozan Cömert derket ser dikê û 31. Festîvala Huseyîn Çelebî bi govend û dirûşmên “Bijî Serok APO” û “Bê Serok Jiyan Na Be” bi dawî bû.
