NAVENDA NÛÇEYAN – Rêber APO di avakirina Tevgera Azadiyê de rrola herî esasî da avakirina kesayetekî azad û derbaskirina hişmendiya koletî û binkeftinê. Di wê çarçoveyê de, di serî de li Akademiya navendî ya PKK bi hezaran kadroyên PKK perwerde kir da ku hêza çareseriyê û serkeftinê di wan de ava bike. Ji bo danasîna rêbazên tekoşîn û perwerde dayîna Rêber APO, Hesen Koçer qala bîranînên di saxaya Rêber APO de kir.
“Ez dixwazim hinekî terzê Serokatiyê ê jiyanê, nêzîkbûnê Serokatî ji bo hevalan û terza perwerde dayîna ya Serokatiyê bigirim dest.
PARTÎ BÊ SEROKATÎ NABE
Yanî Serokatî ji bo perwerde, zaten teqrîben sed î nod xebatê xwe ji bo perwerde bû, perwerde yê kadro, hazirtiyê kadro ji bo tekoşînê. Ji bo wê yekê, em jî çûn Akademiya Serokatî. Terzê wî yê perwerdê û terzê wî yê jiyanê eynî ye, gotin û pratîk yek e. Ji bo gotin û pratîk xistina yek, hêzek mezin jê re lazim e, ji bo wê kê çi perwerde dida wisa jiyan dikir, û jiyana Serokatî jî ew bû. Waxtê em çun ji bo kû em biçin welat, wê çaxê, piştî perwerde, her tim soza hevalan digire. Sozê kû ji hevalan digirê ev e “Hûnê li ser xwe bisekinin? Hûn dikarin xwedî li sozê xwe derkevin? Hûn dikarin temsîla me bikin wir, temsîla partî wir bikin?” Her tim axaftinê xwe ev bû. “We çi jê gırt? We çi ji perwerde girt? We encam jê girtin? We şexsiyeta xwe pêşxist?” Piranî pirsên Serokatî ev bûn. Ji hemû hevalan pirs dikir, “We ji çi ders bandor bûne? Hûn çi ji dersê fehm kiriye? Çi ders we baş fehm nekiriye?” Piranî di vê çarçove de bû. Wextê ji min pirsî, min wê çaxê got, “Dîroka Partî pir bandor li ser min kir, Serokê min.” Got, “Çi, mesele, ji kîjan alî bandor li ser te kir?” Min jî wê çaxê got, “Kengî partî ket tengasiyê, her tim Serokatî mûdaxale kiriye ji bo kû ji wê tengasiyê derxe”. Got, “Rast e. PKK bê Serokatî fesafîso ye.” Yanî partî bê Serokatî nabe û Serokatî bê partî nabe. Ji rastiya Serokatî di partî de bandor dike.
2 APO HENE
Di eynî dahurandin de jî ji me re got, “2 APO hene.” Tabî em heval hemû ecîbmayî man. Me got “Çawa 2 Apo, APO li gel me ye, li pişt çavên me ye, çawa 2 APO hene?” Got, “Ev APO li gel we APO yê duyemîn e. APO yê yekemîn, vê APO yê niha li gel we, fîzîka wê hemû di xizmeta APO yê yekêmin de ye.” Tabî me aliyê wê yê diyalektîk, aliyê wê yê felsefîk baş fehm nekir. Yanî, te dît Serok felsefîk dibêje. Îşte, “Saziya Serokatî ye, ez jî di xizmeta wê de kar dikim.” Yanî ew Saziya Serokatî yê kû fikir û felsefeya Serok, “Fizîka û mejî, rojane xizmeta mejî, rojane jiyana min jî di xizmeta wê de ye. ” Yanî, “APO yê yekê felsefe ye, paradîgma Serokatî ye, felsefeya Serokatî ye, felsefeya jiyana wî ye û APO yê duyemîn wek fîzîk, wekî fîzîka min di xizmeta wê de ye.” Yanî, “ez parçeyekî nan dixwim ji bo ku ez xizmeta wê bikim”. Di wê çarçove de şîrove dikir. Tabî me wekî hevalan baş wate nedida wê çaxê. Me digot “Çawa?” Serok di aliyê felsefî de piranî behsê dikir. APOyê yekemîn felsefe ye, tarzê jiyana Serokatî ye, paradîgma Serokatî ye, “lazim e her kes xizmeta wê bike, ez jî di xizmeta wê de me. Heta şaşitiyekî di min de hebe ez qebûl nakim. Hûn jî gerek xizmeta wê bikin”. Me wisa fem kirî ji wê.
PÎVANÊN MIN ÊN HEVALTÎ HENE
Yanî, piranî li ser hevaltî disekinî, digot: “Hevaltî ji bo min herî esas e, rihê hevaltiyê, te soz da, gerek tu hevaltiyê xwe serkeftî bike.” Mînaka hevalê Kemal Pîr anî. Got, “Nîv saet ez pê re axivîm û bû hevalê min yê rê, hevalê min yê tekoşînê. Heta çû şehadatê dev ji hevaltiyê xwe berneda, yê we jî gerek wisa be, dev ji hevaltiyê bernedin, gerek hûn hevalên xwe biparêzin, rihê hevaltiyê di we de hebe. Yê kû hevaltî bi me bike gerek wisa be.” Mînaka hevaltiyê hevalê Xeyrî, hevalê Kemal, yê hevalên zindana piranî anî li ser ziman. Got, “Lazim e hevaltiya we li ser wê esasî be, hûn gerek e li ser wê esasî tekoşîn bikin. Hereketa PKK, eger hûn bixwazin nas bikin, li ser hevaltî çêbû. Yanî, cewhera wê hevaltî ye.” Li ser wê esasê Serokatî şîrove li ser hevaltiyê dikir. Tabî terzê Serokatî yê hevaltî bi rastî jî terzekî ku mirov xwe pê re rehat dît. Weke hevalekî xwe ku mirov hêz jê digirt. Yanî, erê, belkî heycana mirov li keleka Serok heye, ema yanî, mirov hêza erênî her tim jê digirt. Yanî, mirov gel Serok be, mirov ji tu kesî neditirse, wek hêzekî gel mirov e. Ji bo wê mirov hez dike mirov her tim li gel be. Hêz dida mirov, yanî, rexnedikir, rast e, terzê Serokatiyê yê rexnekirinê heye, ema rexne ji bo ku tu pêş bikeve, ji bo ku tu bibe hevalekî rast, ji bo ku tu hevaltiyekî rast bike, her tim rexne dikir. Heta carinan ji me re digot, “Rihê we parçe bûye, hûn berdin fikirî, rihê we parçe bûye. Hûn gerek e tekoşînêkî pir mezin bidin ji bo hûn hevaltiyekî rast gel me bikin, pîvanên min yên hevaltiyê hene, pîvanên min yên partîbûn hene. Gerek e li ser wê esasî nêzî min bibin.”
HER TIM DIXWEST HEVALÊN JIN BIDE PÊŞ
Bîranînekî din, hevalekî jin hebû, ew heval şehîd ketiye, ez ne şaş im. Fûtbol xweş dileyst. Serok wî her tim di aliyê xwe de digirt. Digot, “Jin gerek di aliyê min de bin”. Hevalek hebû, dixwest top ji lingê wê hevala jin derxe û ew hevala jin jî pir xweş dileyst. Raviya ji bo ku top ji lingê wê derxe, ew jî top cem xwe zivirand û ew li erdê ket. Zilamekî mezin û li erdê ket, Serok keniya, em hemû keniyan. Hevala jin kin bû, zilam jî mezin, li erdê ket û Serok keniya, got, “Ka, li vî zilamî meyze bike”. Yanî hemû heval keniyan ser wê. Serok her tim dixwest jin bide pêş, jin ji xwe bawer be, ji hêza xwe bawer be, her tim ew didan pêş.
