HALEP- Piştî pêşveçûna çeteyên “Heyet Tehrîr El Şam” di taxên Helebê de û topbarana bêserûber a li dijî wan taxan, şêniyên taxên hikumeta Şamê berê xwe didin taxên Şêxmeqsûd û Eşrefiyê.
Rêbendên kontrolê yên Hêzên Ewlekariya Hundirîn şêniyên ku piraniya wan ji taxên Hemdaniye, Furqan û Heleb El Cedîde ne, pêşwazî dikin.
Yek ji koçberan ji nûçegihana ajansa me re diyar kir ku leşkerên hêzên Şamê li hemberî pêşketina çeteyan dev ji xalên xwe berdida û vedikişiyan.
Tevgera koçberiya ber bi Şêxmeqsûd û Eşrefiyê ve, piştî topbarankirina derdora zanîngeha Helebê ku di encamê de 4 xwendekarên zanîngehê jiyana xwe ji dest da, zêdetir bû.
1 Ji 11
-
+
