BERLÎN – Li bajarê Berlîn ê Elmanyayê bi pêşengiya jinên ciwan ên endamên Jinên Ciwan ên Tekoşer (TekoJIN) mîtîngek li dijî qetlîama jinan a li Îranê bilind dibe hat lidarxistin. Di çalakiyê de bal hat kişandin ser Varîşe Moradî, Pexşan Ezîzî ku ji aliyê rejîma Îranê ve cezayê darvekirinê lê hatiye birîn û Şerîf Mihemed ku gefa kuştinê ya li ser wê didome. Wekî temsilî sehpeya darvekirinê hat dayîn.
Mîtîng li Brandenburger Tor ku yek ji kolanên qelebalix ên Berlînê ye hat lidarxistin. Jinên ku kom bûn bi qîrîna dirûşmên “Jin, Jiyan, Azadî” bal kişandin ser îdamê û tundî û cudakariya ku li Îranê li jinan tê kirin û hat gotin, “Divê em bi hev re tevbigerin, dengê xwe bidin bihîstin û mafên xwe biparêzin.” Her wiha hat gotin ku hêzkirina jinan ji bo guhertina civakî krîtîk e.”
Beşdaran, dirûşmeya”Jin azad in, divê azad bimînin!” qîriyan.
Piştî axaftinan xwendina helbestan hate lidarxistin. Piştre jinên ciwan qertên bi navên jinên ji aliyê rejîma Îranê ve hatin qetilkirin li balonan daliqandin û firandin.
