BERLÎN – Li paytexta Elmanya Berlînê, ciwanên Kurd û Enternasyonalîst daketin qadan û êrîş û dagirkeriya dewleta Tirk a faşîst û çeteyên wê yên li ser Bakur û Rojhilatê Sûriyeyê şermezar kirin. Ciwanên beriya meşê daxuyaniyek dan çapemeniyê û gotin, “Bi taybetî jî weke jin û ciwan em li qadan ji bo piştgiriya Têkoşîna Azadiyê ya di pêşxistina civakê de roleke girîng dilîze” û bang li hemû hêzên demokratîk kirin, ji bo tevlî xwepêşandanê bibin.
Çalakgeran meşale û alên Rêber APO, alên YPG-YPJ’ê û sloganên “Kurdistan biparêze” û “Gegen Faschmismus und Islamismus, Bijî Rojava, Es lebe die Revolution” (Li dijî faşîzm û îslamiya radîkal, Bijî Rojava, Bijî şoreş. Bi pankartên ku li ser nivîsîbûn meşiyan.
Di çalakiyê de gelek caran dirûşmên “Solidarität heißt Widerstand – Kampf dem Faschismus in jedem Land” (Hevgirtin tê wateya berxwedan – li her welatekî li dijî faşîzmê têkoşîn), “Edogan ist ein Mörder und Faschist” (Edogan qatil û faşîst e. ), “Türkei bombardiert – Deutschland finanziert” (Tirkiye bombebaran dike – Almanya fînanse dike). Di meşê de bê navber dirûşmeyên, “Schluss mit dem Massaker in Kurdistan” (Komkujiya Kurdistanê raweste), “Bijî Berxwedana YPG” û “Bijî Karkerên Kurdistan” hatin berzkirin.
