NAVENDA NÛÇEYAN – Milîsên HBDH’ê yên Partîzan Amed bi daxuyaniyeke nivîskî ragihandin ku li Taxa Panayir a navçeya Osmangazî ya Bursayê wesayîta AKP’yî şewitandin.
Milîsên HBDH’ê yên Partîzan Amedê di daxuyaniya xwe ya nivîskî de diyar kir ku ew ê çalakiyên xwe yên li metropolan li dijî dewleta Tirk a ku êrîşên xwe yên dagirkeriyê yên li ser Rojava mezintir dikin, bidomînin. Di vê derbarê de hate destnîşankirin ku 28’ê Çileyê di saetên sibê de li Taxa Pinarbayir a navçeya Osmangazî ya Bûrsayê ji aliyê Milîsên Partîzan Amedê ve wesayîteke endamê faşîst ê AKP’ê şewitandine û wesayît nekariye were bikaranîn.
Tevahiya daxuyaniyê wiha ye:
Çekdarên me çalakiyên xwe yên li metropolan li dijî dewleta Tirk a dagirker ku dixwaze Şoreşa Rojava bifetisîne didomînin.
Milîsên HBDH’ê yên Partîzan Amed bi wesîleya 10’emîn salvegera rizgarkirina Kobanê silav kirin, 28’ê Çileyê di saetên sibehê de li Taxa Pinarbayir a navçeya Osmangazî ya Bursayê wesayîta faşîstekî AKP’yî şewitandin.
Kobaniya ku bi berxwedan û serketina li dijî DAIŞ’ê, pêkhateya herî hov a serdemê û ji bo mirovahiyê hêviyek e, tê bibîranîn, di bin êrîşên dewleta Tirk a qirker de li ber xwe dide. Di encama bombebarana qada bazarê ya bajarokê Sirîn a dikeve başûrê bajarê Kobanê de, 12 sivîlan jiyana xwe ji dest dan. Rejîma faşîst a AKP-MHP’ê ku ji barbariya DAIŞ’ê ne kêmtir e, ji bo tinekirina destkeftiyên gelê Kurd ên li çar parçeyên Kurdistanê bi hemû derfetên xwe seferber dike, her roj sûcê şerekî nû dimeşîne.
Dawiya rejîma faşîst a ku êrîşên xwe bê navber didomîne û di vê pêvajoya ku muzakere didomin jî dev ji zimanê xwe yê tehdîdê bernade, bi lez û bez tê. Faşîzm li hemberî hêz û îradeya me ya rêxistinbûyî ji bilî têkbirinê neçar e. Berxwedana serdemê ya ku li Kobanê, Tişrîn û qadên gerîla berdewam dike, berxwedana bi rûmet a şoreşger, rêveberên siyasî, rojnameger û gelê me yê welatparêz ku li dijî her cure zext û girtinan paşve gav navêjin, delîla herî mezin a şoreşa me ya yekbûyî ye. Ji bo layiqî berxwedana bi rûmet a gelên ku bedena xwe ji bo parastina Şoreşa Rojava kirine mertal, em ê eniya Şoreşa Yekbûyî ya li metropolên Tirkiyeyê berfireh bikin û faşîzma Tirk hilweşînin.
Bijî Berxwedana Kobanê!
Bijî Şoreşa Rojava!
Bijî HBDH!
