NAVENDA NUÇEYAN– Meclisa Ciwanan a DEM Partiyê bi boneya sala 76’emîn a rojbûna Rêber APO ji Amedê ber bi Amarayê ve dest bi meşê kirin.
Meclisa Ciwanan a Partiya Wekhevî û Demokrasiyê ya Gelan (DEM Partî), bi boneya sala 76’emîn a rojbûna Rêber APO, ji Amedê ber bi gundê Amarayê yê navçeya Xelfetî ya Rihayê ve meşê li dar dixe. Starta meşê hate dayin. Ciwan, meşa xwe bi dirûşma “Bi civaka demokratîk em ber bi azadiyê ve dimeşin” li dar dixin û meş dê di 4’ê Nîsanê de li Amarayê bi dawî bibe.
Ciwan, li Qada Şêx Seîd a Amedê hatin gel hev. Parlamenterên DEM Partiyê Bêrîtan Guneş û Onur Duşunmez, aktîvîstên Tevgera Jinên Azad (TJA), endamên Meclisa Dayikên Aştiyê û nûnerên gelek saziyên civaka sivîl ên bajar jî beşdar bûn.
Ji Qada Şêx Seîd ber bi AZC Plazayê ve meş tê lidarxistin.
