NAVENDA NÛÇEYAN – Rojbûna Rêber APO li Fransa (Parîsê û Marîgnanê) bi xwendina nameya Rêber APO ya ji bo ciwanan û fîşekên hewayî hate pîrozkirin.
PARÎS
Rojbûna Rêber APO ji aliyê Endama Ciwanên TCŞ’ê û Meclîsa Jinê ya Şehîd Evîn Goyî ve li paytexta Fransa Parîsê Villiers Le BeL’ê hat pîrozkirin.
Gelek Kurdistanî û dostên wan beşdarî çalakiya rojbûnê bûn.
Di çalakiya li ber Navenda Civaka Demokratîk a Kurd a Parîsê hate lidarxistin de, bi alên Rêber APO, posterên Şehîd Evîn Goyî, alên PKK û PAJK’ê hatin xemilandin.
Di bernameya ku Hunermend Roj Arî, Ulaş Kelaşîn, Hunermendên Herêmî û Tîma Davul Zurna amade bûn de Kurdistaniyan bi coş û coş bi dirûşmeyên “Bijî Serok APO”, “Bi Serok Jiyan Nabe” “Rojbûna te pîroz be ey Serok ApPO” govend gerandin.
Bi fîşekên hewayî şahiyeke dîtbarî hat organîzekirin. Çalakiya ku bi birîna dayik û zarokên şehîdan ji bo rojbûna Rêber APO dewam kir.
MARÎGNANE
Kurdistaniyên ku di pêşengiya Ciwanên Kurdistanê yên Fransa (CKF) de hatin cem hev, li bajarê Marîgnan ê Fransayê rojbûna Rêber APO bi coş pîroz kirin.
Bi sedan ciwan û jinên ciwan hatin cem hev û li navenda civaka demokratîk a Kurd rojbûna Rêber APO pîroz kirin.
Her wiha di pîrozbahiyê de nameya Rêber APO ya ji bo ciwanan hate xwendin.
Piştî ku ciwanan pasta 76’emîn rojbûna Rêber APO birîn, çalakî bi tilîlî û tilîliyan bi dirûşmeyên “Bijî Serok APO”, “Ciwan Fedaiyê Rêber APO”, “Rojbuna te pîroz be Serok APO” bi dawî bû.
PARÎS
Ciwanên endamên TCŞ’ê (Tevgera Ciwanên Şoreşger) li ber Kuleya Eyfelê ya ku sembola paytexta Fransa Parîsê ye stand vekirin û qurnefîl belav kirin.
Ciwanan bi coş dirûşmeyên “Bijî Serok Apo”, “Bê Serok Jiyan Nabe”, “Ciwan Fedaî Rêber Apo” li qada Eyfelê qir kirin.
Di dawiyê de ciwanên endamên TCŞ’ê ji bo pîrozkirina 76’emîn rojbûna Rêber APO stand vekirin û diyar kirin ku rojbûna Rêber APO ji bo gelê Kurd û Rojhilata Navîn vejîn û ji bo hemû gelan ronahiyek e.
