Ciwanê bi navê Hakim Ayhan yê 19 salî ye û astengdarê zihnî ye Li Sêrtê di 6 tebaxê de winda bûbû. Cenazeyê Ayhan di Çemê Kezerê de hat dîtin.
NAVENDA NÛÇEYAN – Li Sêrtê di 6’ê tebaxê de ciwanê bi navê Hakîm Ayhan yê 19 salî ku astengdarê zihnî bû winda bûbû. Ev 4 roj in agahî ji Ayhan nedihat girtin û ji bo dîtinê lêgerîn hatibû destpêkirin. Di encama lêgerînê de cenazeyê Ayhan di Çemê Kezer de hat dîtin. Zarokên li benda çem cenaze dîtin û agahî dan xwediyê tesîsek nêz. Xwediyê tesîsê çû cenaze ji avê derxist û agahî da saziyên pêwendîdar.
Li ser vê yekê komên tenduristiyê çûn cihê bûyerê û cenaze bi ambulansê rakirin Nexweşxaneya Dewletê ya Sêrtê. Malbatê piştî kar û barên otopsiyê cenazeyê zarokê xwe li Goristana Zeviyê defin kir.
Têkildarê bûyerê lêpirsîn hat destpêkirin. Malbatê jî diyar kir ku ew ji mirina zarokên xwe bi guman in û dê ji bo mijarê serî li rêya hiqûqî bidin.
