HPG’ê ragihand, li Colemêrgê di çalakiya 6’ê Îlonê de leşkerek hate kuştin, 2 leşker jî birîndar bûn. Hate gotin, 3’ê Îlonê jî li Çelê di şer de 3 gerîla şehîd bûn.
NAVENDA NÛÇEYAN – Navenda Ragihandin û Çapemeniyê ya HPG’ê li ser mijarê daxuyaniyeke nivîskî weşand û ev agahî da:
“Di çarçoveya Pêngava Şoreşgerî ya Şehîd Pîroz û Şehîd Agirî de hêzên me 6’ê Îlonê saet 04:30’î li herêma Gelîşîm a navçeya Şemzînan a Colemêrgê li dijî yekîneyeke artêşa TC a dagirker ku li geliyê Kurê Mizgeftê bi cih bûbû çalakiyeke sabotajê pêk anîn. Di çalakiyê de leşkerek hate kuştin, 1 jê kontra leşkerên dijmin jî birîndar bûn.
3’ê Îlonê li nêzî gundê Meybûka yê navçeya Çelê ya Colemêrgê, di navbera yekîneyeke me ya ku bi erka xwe radibû û leşkerên Tirk de şer derket. Di er de gelek leşker hatin kuştin, lê hejmara mirî û birîndaran nehate zelalkirin. 3 hevalên me yên bi lehengî heta fîşeka dawî li dijî hêzên dijmin şer kirin şehîd bûn.”
Li gorî daxuyaniyê nasnameya şehîdan wiha ye:
Nasnav: Brûsk Belatî Nav paşnav: Omer Erdemîr Cihê jidayikbûnê: Colemêrg Dayik-Bav: Huzeyca-Sıddık Dem û cihê şehadetê: 3’ê Îlona 2018’an / Colemêrg |
Nasnav: Destan Harpût Nav paşnav: Mûhammed Fatîh Genç Cihê jidayikbûnê: Eskîşehîr Dayik-Bav: Hatîce-Abdulazîz Dem û cihê şehadetê: 3’ê Îlona 2018’an / Colemêrg |
Nasnav: Rizgar Serhildan Nav paşnav: Ceyhûn Dogma Cihê jidayikbûnê: Colemêrg Dayik-Bav: Gulsum-Abdulcebbar Dem û cihê şehadetê: 3’ê Îlona 2018’an / Colemêrg |