HPG’ê ragihand ku di çalakiya 4’ê Cotmehê ya li Êlihê de 1 berbaz, 7 çawîşên pispor bi giştî 8 leşker hatine kuştin.
NAVENDA NÛÇEYAN – Navenda Ragihandin û Çapemeniyê ya HPG’ê têkildarî çalakiya 4’ê Cotmehê ya li Êlihê û êrîşên hewayî yên artêşa Tirk a li ser Herêmên Parastinê yên Medyayê daxuyanî da û ev agahî parve kir:
LI ÊLIHÊ ÇALAKÎ
“Di çarçoveya Pêngava Şoreşgerî ya Şehîd Delal Amed û Şehîdên Şehîdên Bestayê de hêzên me roja 4’ê Cotmehê seat 06:00’an li dijî wesayîta zirxî ya tîpa kobra ku li ser rêya Gundê ÇelÎk û Botîka ya navbera herêma Mawa û navçeya Kerboran a Mêrdinê de tevger dikir çalakiya sabotajê lidarxist. Di çalakiyê de wesayîta zirxî hate rûxandin, berbazek û 7 çawûşên pispor bi giştî 8 leşker hatin kuştin û leşkerek jî bi giranî birîndar bû.
ÊRÎŞÊN HEWAYÎ
Balafirên şer ên artêşa TC’ê ya dagirker roja 5’ê Cotmehê li dijî Herêmên Parastinê yên Medyayê êrîşên hewayî pêk anî. Agahiyên berfireh yên têkildarî êrîşên hewayî wiha ne;
Balafirên şer seat 11:00’an herêma Saxa ya herêma Zapê, nabera seat 15:50 û 16:00’an de jî herêma Sîda, Pira Balînda û Gundê Filleha yê herêma Zapê bombebaran kirin.
Balafirên şer navbera seat 16:45 û 17:00’an de herêma Dola Mara û Tepê Kartal yê herêma Avaşîn bombebaran kirin.”
