Li Akademiya Şehîd Yekta dewreya 5`an a bi navê Foc Şehîd Mihemed Zaza bi tevlêbûna 325 şervanan bi dawî bû. Di dewreya perwerdeyê de ku 45 rojan dewam kir, waneyên leşkerî û bîrdozî hatin dayîn.
MINBIC- Li Akademiya Şehîd Yekta dewreya 5`an a bi navê Foc Şehîd Mihemed Zaza bi tevlêbûna 325 şervanan bi dawî bû. Di dewreya perwerdeyê de ku 45 rojan dewam kir, waneyên leşkerî û bîrdozî hatin dayîn.
Di merasîma bidawîkirina dewreyê de, fermandarê giştî yê Meclisa Leşkerî ya Minbicê Mihemed Ebû Adil, berdevkê Meclisa Şervan Derwîş û bi dehan fermandar û şervanên Meclisa Leşkerî ya Minbicê amade bûn.
Şervan Derwîş axivî û bidawîbûna dewreyê li şervanan pîroz kir. Derwîş wiha got: “Piştî we perwerdeya xwe ya fikrî û leşkerî bi dawî kir, hûn amade ne îro ax û welatê xwe biparêzin.”
Derwîş anî ziman ku di vê demê de hemû hêzan ji bo têkbirina îradeya wan, li hev kiriye lê nikarin îradeya wan a ku bi xwîna şehîdan çêbûye, têk bibin. Şervan Derwîş di dawiya axaftina xwe de, soza şopandina rêya şehîdan nû kir.
Di dawiya merasîmê de şervanan sond xwar.
