Dewleta Faşîst ya TC ‘ê ev nêzê 5 sale, bi hincetên cur bi cur Rêberê Gelan Abdullah Ocalan bi nekirina hevdîtina bi ”Şandeya Îmralî” û parêzerên wî ve girav veguherandine ”Çala Mirinê” û ji bo ku berxwedana greva birçîbûnê a ku ji aliyê gel û hevalbendên wan ve tê nîşandan ku bûye wek xelekekî di derdorê Rêberê Gelan de dixwaze bişkîne her cure rê diceribîne. Çuyina Mehmet Ocalanli Îmraliyê ya ku du sal û nîve bi Ocalan re nikare hevdîtinan bike ji van yekî ye.
NAVENDA NÛÇEYAN- Dewleta Faşîst ya TC ‘ê ev nêzê 5 sale, bi hincetên cur bi cur Rêberê Gelan Abdullah Ocalan bi nekirina hevdîtina bi ”Şandeya Îmralî” û parêzerên wî ve girav veguherandine ”Çala Mirinê” û ji bo ku berxwedana greva birçîbûnê a ku ji aliyê gel û hevalbendên wan ve tê nîşandan ku bûye wek xelekekî di derdorê Rêberê Gelan de dixwaze bişkîne her cure rê diceribîne. Çuyina Mehmet Ocalanli Îmraliyê ya ku du sal û nîve bi Ocalan re nikare hevdîtinan bike ji van yekî ye.
Berxwedana greva birçîbûnê ya ku bi mehane ji bo tecrîda giran were rakirin û azadiya fîzîki ya Rêberê Gelan Abdullah Ocalan pêk were li Rojhilata Navîn û Ewropa ji aliyê Gelê Kurd û hevalbendên wan ve tê meşandin ji bo were şikandin dewleta faşîst a TC’ê serî her cure rê re dide. Çalakiya ku li girtigehê ji aliyê Parlemantera HDP Leyla Guven ve hatiye destpêkirin û bi dewamkirina girtiyên berxwêder a PKK û PAJK’ê ve hatiye domandin di demekî kurt de belavê tevahî Kurdistan, Tirkiye, Rojhilata Navîn û Ewropa bû. Li ruxmê binçavkirin, girtin, perçiqandin û şerê psîkoljîk jî di herî dawî de bi meşa hezaran kes a ber bi girtigeha Amed’ê ve ji bo piştgiriya çalakvanan berxwedanê bilindtir kir.
Di serî de dewletên ABD, Almanya û Ewropa ji bo berxwedana gel ji rojevê derxe û tecrîd û qomploya li ser Rêberê Gelan Abdullah Ocalan bidomîne di destpêkê de bi pereyê xelatê danîtina li ser sê pêşengên Tevgera Azadiyê Cemîl Bayik, Murat Karayilan û Duran Kalkan, biryara vekîşina ABD’ê ji Suriye, gefên dagirkirinê li ser Rojhilat û Bakurê Suriye ji aliyê tifaqa faşîst a AKP-MHP, li Tirkiye û Kurdistan’ê bi binçavkirin, girtin û di çarçoweyaOHAL ê de îşkenceya ku li kolanan ve berdewam kir.
Armanca Berxwedana Greva Birçîbûnê çibû?
Armanca berxwedana greva birçîbûnê ya ku ji aliyê Leyla Guven ve hat destpêkirin û bitevlê bûna sedan kesan berdewam kir, rakirina tecrîda giran li ser Rêberê Gelan Abdullah Ocalan, pêkanîna azadiya fîzîki û dawî anîna polîtikaya qetlîamê ya li ser Gelê Kurd hatibû diyarkirin. Lê serdestiya faşîst a AKP- MHP’ê di serdestiya xwe ya 17 salan de di destpêkê de medya-çapemenî xist dest xwe û veguherand ”Amurê Şerê Taybet”, di bin navê KHK-OHAL’ê de polîtikayên qetlîamê resen kir, kes nekarî destê xwe lê bide, pêkanînê xwe yên faşîst berdewam kir.
Baş e çûyina Mehmet Ocalan li Îmraliyê tecrîd bi giştî ji holê rakir?
Bêguman ruxmê tevahî politakyên qetlîamê, xwesteka perçikandinê jî Gelê Kurd ji bo Rêberê xwe yê ku wî ji ”Xewa mirinê” rakir û ew veguherand rastiya gelekî exlaqî-polîtîk bi berxwedana grevên birçîbûnê herî dawî jî bi meşa girseyî ya Amed’ê ve bir lutkeyê. Birayê Rêberê Gelan Abdullah Ocalan Mehmet Ocalan cû li îmraliyê û hevdîtinek pêkanî. Ya rast ji ber tirsa berxwedanê mecbur ma ku hevdîtinek were kirin. Di vê milê de her çiqas hevdîtin moralek derxistibe holê jî ev nayê wateya ku armancên berxwedanê ya ku me li jorê hejmart pêk aniye. Berdin azadiya Rêberê Gelan tecrîd her diçe kurttir dibe, Li hember gelê Kurd binçavkirin, girtin berdewam dike, pêkanînên OHAL’ê, polîtikayên qetlîamger û tundî her diçe zêdetir dibe. An jî em vê pirsê bipirsin gelo piştê hevdîtinê wê tecrîda giran li ser Rêberê Gelan rabe, bi malbat û parêzeran re bi heftane hevdîtinan were kirin, şertên ”xwegihandina huquqî” were baş kirin?Rewşa ku ”mafê xwezayî” ên girtiyeke ji Rêberê Gelan re tê astengkirin û xwesteka ku bi milyonan li qadan qîr dikin ”azadiya fîzîkî’‘ pêk were? Ji aliyê din ji polîtikayên qatlîamker ên li ser gel re dawî were dayîn? Di naveroka hevdîtinê ku hatiye kirin de ev hebin mirov dikare bêje ”Erê” tecrîd şikiya. Lê diyare rewşek wisa nîne, tenê bi tenê ev rewş li hember berxwedana gel de tengbûna tifaqa TC/AKP-MHP ya faşîst e.
