Xwendekarên Peymangeha Şehîd Kato ya kampa Mexmûrê û çalakvanên sivîl yên Hewlêrê bi armanca piştgirîdayîna çalakiya greva birçîbûnê serdana Nûnertiya HDP’ê ya Hewlêrê kirin. Xwendekar û çalakvan piştgiriya xwe ragihandin.
NAVENDA NÛÇEYAN-Xwendekarên Peymangeha Şehîd Kerîm Kato ya kampa penaberan a Mexmûrê û çalakvanê sivîl yê Hewlêrê Elî Siyasî serdana çalakiya greva birçîbûnê ya Hewlêrê kirin.
Çalakvan û xwendekarên serdana Nûnertiya HDP’ê kirin piştgirî dan greva birçîbûnê ya li dijî tecrîda li ser Rêberê Gelan Abdullah Ocalan daye destpêkirin.
Çalakiya greva birçîbûnê ya Hewlêrê û çalakiya Nasir Yagiz di roja 62’an de didome. Rewşa tendûristiyê ya Nasir Yagiz her diçe nebaş dibe û di girtina av û vexwarinê de zehmetî dikişîne.
