Li ruxmê demsala zivistanê çalakiyên gerillayên HPG û YJA-STAR’ê li dijî artêşa Tirk a dagirker didome. Di mehekî de bi dehan çalakî hate li dar xistin û herî kêm 15 leşkerên dagirker hat kuştin û bi dehan jî birîndar bûn.
NAVENDA NÛÇEYAN- Gerillayên HPG û YJA-STAR’ê ruxmê şertên zivistanê li dijî artêşa Tirk dehan çalakî li dar xistin. Di çalakiyan de 15 leşkerên dagirker hat kuştin û bi dehan jî birîndar bûn.
Daxuyaniyên HPG wiha ne:
HPG: Li Lêlikanê 6 leşkerên Tirk hatin kuştin
“Roja 28’ê Kanûnê saet 11:00’an hêzên me li Girê Lêlîkan a Sîdekan ya Herêma Başûrê Kurdistanê li dijî yekîneyeke artêşa TC’ê çalakiyek li dar xist. Hêzên me yekîneya dijmin xist bin kontrola xwe û ji du baskan ve li dagirkeran xist. Di çalakiyê de 6 leşker hatin kuştin û leşkerek jî birîndar bû. Hêzên me çûn ser cenazeyên leşkeran û dest danÎn li ser çeka HK-33 (Melez), 2 şarjorên HK-33 (Melez) û bombeyek ya destan. Piştî çalakiyê artêşa TC’ê bi desteka helîkopteran kuştî û birîndarên xwe ji herêmê rakir. Di çalakiyê de tiştek bi hêzên me nehatiye.
Gerîlayên HPG bi çalakiyan derbasî sala nû bûn
Saet 00.00’an hêzên me li Cizîr û Silopya ya Şirnexê li dijî baregehên artêşa TC’ê bi taktîk û teknîkên nû yên Gerîlayên Azadiya Kurdistanê çalakî kirine. Bi vê çarçoweyê 2 bombe bi ser Avahiya Emniyetê ya Cizîrê de, 1 bombe bi ser Lojmanên Fermandariya Jandarma ya Cizîrê de û 2 bombe bi ser Tabûra Hacilar a Silopya de, bi tevahî 5 balafirên bi bombe şandine. Hatiye dîtin ku balefiran bi serkeftî li hedefên xwe dane. Di her sê çalakiyan de agahî hatiye standin ku kuştî û birîndarên dijmin hene, lê encamên teqez hê nehatine zelalkirin.
Her wiha saet 00.00’î hêzên me li li dijî artêşa TC’ê ya li Girê Koordîne ya Çelê ya Colemêrgê çalakî kirine. Di çalakiyê de mewzî û stargehên dijmin bûne hedef, hejmara kuştî û birîndarên dijmin diyar nebûye.
Bi roj saet 12.00’an hêzên li Îdirê li dijî artêşa TC’ê ya li Qereqola Korxanê çalakî kirine. Di çalakiyê de bi serkeftî derb li mewziyan û kûleyan ketine, kuleyek bi temamî hatiye xwarê û diyar bûyî 2 leşker hatine kuştin. Piştî çalakiyê wesayitên zirxî ku hatin mudaheleyî qada çalakiyê bikin û leşkerên dijmin bûne hedef. Hêzên me li dijmin reşandine û ji yekîneyên dijmin 2 leşker hatine kuştin. Hêzên dagirker piştî derbên ku xwarin bi desteka helîkoptêrên Skorsky mirî û birîndarên xwe ji qadê rakirine.
HPG’ê bi firokên bê mirov li Alaya Rûbarokê xist
“1’ê Çileyê saet 8’an, hêzên me bi firokên bê mirov ên bombebarkirî li Alaya Rûbarokê ya li navçeya Şemzînan a Colemêrgê dan. Firokên bê mirov ên bombebarkirî li hedefan ketin. Li ser hejmara kuştî û birîndarên dijmin agahî bi dest neketin. Artêşa TC a dagirker piştî çalakiyê li derdora alayê dest bi operasyonê kir.
HPG: Li Îdirê 5 leşker hatin kuştin
“3’yê Çile artêşa TC’ê ya dagirker li derdora Qereqola Axurî ya Îdirê bi desteks yekîneyên veşartî operasyonek daye destpêkirin Yekîneya ku ji leşkerên dijmin pêk hatî û ya ku derketî operasyonê demeke dirêj ji hêla hêzên me hatine kontrolkirin û 4’ê Çile saet 02.00’an li dijî vê yekîneyê çalakiyek pêk anîne. Hêzên me bi hevdemî li hin mewziyên li qereqolê jî dane. Çalakî ji mesafeyeke nêz hatine kirin û di encamê de tespît bûyî 5 leşkerên dijmin hatine kuştin.
HPG’ê li Çelê li leşkerên artêşa Tirk xist
“Hêzên me 8’ê Çileyê saet 15’an li dijî artêşa TC a dagirker a li ser Girê Koordîne yê navçeya Çelê ya Colemêrgê çalakiyek pêk anîn. Derbên giran li çeper û stargehên dijmin hatin xistin. Hejmara kuştî û birîndarên leşker nehate zelalkirin. Artêşa TC a dagirker piştî çalakiyê obus û hawan avêtin herêmê û qada Cîloyê Biçûk.
Hêzên me li Îdîrê li yekîneya veşartî da
“Hêzên me di çarçoveya Pêngava Serketinê ya Şoreşgerî de ya li Eyaleta Serhedê, 24’ê Çile saet derdora 12:00’an li dijî yekîneyeke veşartî ya li derdorî Qereqola Korxan a Îdirê çalakiyek hate kirin. Di vê çalakiya karîger de li dijî yekîneyên dijmin, bi kêmamî leşkerek hatiye kuştin. Piştî çalakiyê hêzên dijmin cihê çalakiyê bi ketûber dane ber guleyan.
Çalakiya gerîla ya li Îdirê: 12 leşker mirin
Navenda Ragihandin û Çapemeniyê ya HPG’ê beriya niha dabû xuyakirin ku 4’ê Çileyê saet 2’an çalakî hatiye lidarxistin û herî kêm 5 leşker hatine kuştin.
Li gorî agahiyên ji herêmê hatin girtin, di çalakiyê de ku li dijî yekîneya veşartî ya li dora qereqola Axurê derketibû operasyonê, 12 leşker mirine.
Hate ragihandin, cenazeyên leşkeran bi helîkopteran rakirine nexweşxaneyên li herêmê.
Gerîlayan li Serhedê çalakî pêk anîn
“Hêzên me bi çarçoveya Pêngava Serkeftina Şoreşgerî ya li Eyaleta Serhadê didome, roja 18’ê Çileyê saet 16:30’an li dijî leşkerên li kûleyê ya ku ewlehiya qereqola Axûrî ya navçeya Îdirê Başanê, digirtin, çalakiyek kirin.
Hêzên me li kûle û leşkerên li kûleyê reşandin. Di encama çalakiyê de çend leşker hatin kuştin û çend birîndar bûn, diyar nebû.
Li Îdirê çalakî: Leşkerekî dewleta Tirk hate kuştin
”Artêşa TC’ê ya dagirker ev dmeke li qada Kirê Kor ê Îdirê bi deteka yekîneyên xef kemînan datîne. Li dijî van yekîneyên dijmin ku ji hêla hêzên me ve hatin kontrolkirin û şopandin û bi çarçoweya Pêngava Serfiraziyê ya Şoreşger ku li Eyaleta Serhedê didome çalakiyek hatiye kirin. 20’ê Çile saet 14.45’an derbeke serkeftî li yekîneya dijmin hatiye xistin û tespîtbûyî 1 leker hatiye kuştin. Piştî çalakiyê artêşa TC’ê ya dagirker qad bombe kiriye.
”
