Cemal Kobanê û Omer Bagdû ji 29’ê Çileya 2019’an ve li bajarê Elmanyayê Kasselê li dijî tecrîdkirina Rêberê gelan Abdullah Ocalan di greva birçîbûnê ya bê dem û bê dorveger de ne.
KASSEL – Çalakvanên greva birçîbûnê Cemal Kobanê û Omer Bagdû ji ajansa me Nûçe Ciwan re berxwedaniyên xwe û armancê çalakiya xwe anîn ziman. Cemal Kobanê û Omer Bagdû ji 29’ê Çileya 2019’an ve li bajarê Elmanyayê Kasselê li dijî tecrîdkirina Rêberê gelan Abdullah Ocalan di greva birçîbûnê ya bê dem û bê dorveger de ne.
Çalakvanê greva birçîbûnê ya bê dem û dorveger Cemal Kobanê jî wiha axivî:
Ez kurdekî ji Rojavayê Kurdistanê me, navê miğn Cemal Kobanê ye. Ji bajarê berxwedanê ji Kobanê me, li gunde kûmci ji dayîkbûme. Li Minbicê jî min jiyan kiriye. Ev 3 salin ez hatime Elmanya. Wek hevalê Omer jî anî ziman li vir Ewrûpa ji Kurdan re demokrasî tune. Beriya ez werim Ewrûpa, min ew bi navê demokrasî û aşitî nas dikir, lê belê rastî ne wusa ye. Hemû kes dixwaze werin Ewrûpa (Elmanya). Lê belê ji Kurdan re li vir demokrasî û aşîti tune.
TECRÎDA GIRANKIRÎ NAYÊ QEBÛLKIRIN
Çalakiya me ji ya bi dem û bi dorveger veguherî ya bê dem û bê dorveger. Min û hevalê Omer me niqaş kir, me rojev girte berçav, rojane bi dehan heval şehîd diketin, me li ser vê bîryarek wiha da. Tecrîda girankirî êdî hatiye astek ku nayê qebûlkirin. Me li dijî vê çalakiya xwe veguhert ya bê dem û bê dorveger. Ev çalakî ji kesekî, ji Leyla Guven gihişt bi hezaran. Piştî Leyla Guven Nasir Yagiz, hevalê li zindanan, li Ewrûpa û tevahî cihanê êdî ev çalakî belav bû. Hevala Leyla darek çand, û ev êdî bu bi hezar şax. Me jî ji bo piştgiriya vê dest bi çalakiya xwe kir, û îro ketin roja 57.
EM JI SERKFTINÊ YPG Û YPJ HÊZ DIGRIN
Di milê tenduristiyê de pirsgirêkên wek bê hal derdikevin holê. Lê bes di milê moral û coş em xurtin. Dema em piştgiriya gel dibînin em hêz digrin. Me ji serkeftina YPG li dijî Daiş’ê moralek pir mezin girt. Daiş bi tarîtiya xwe bi sedan keçê êzîdî revand û tevahî civaka me qetilkirin û ser jêkirin, lê YPG bi berxwedaniyek mezin ez hêza reş pakij kir. Caw aYPG û YPJ daiş’ê şikand û anî ber lingê xwe, em ê bi berxwedana xwe vê tecrîdê bişkînin.
JI BO BES ŞEHADET BÊN JIYANKIRIN PÊWÎSTE CPT Û EWRÛPA BI ERKA XWE RABIN
Ewqas bûyer pêk hatin, di şerê Kobanê, li Efrînê û herî dawî bi vê tecrîdê. CPT û Ewrûpa bi erka xwe ranabin. Em Kobanî dibejin wek ‘Derziya bencê’ hema li me dixin, ji hemû tiştî re dibeje erê lê cîddiyek tune. Li gorî demokrasiya xwe tev nagerin. Xwe kerr dike. Em vê kerrbûna CPT û Ewrûpa qebûl nakin û êdî gavên resmî dixwazin. Bûyerên li Efrîn jî wek vê tecrîdê ye. CPT heta niah tiştekî nekiriye, hevalên me Leyla Guven ev 138 rojin, Nasir Yagiz 125, hevalên li zindanan 100 roj, li Strasbourgê jî 99 rojin li berxwe didin. 4 hevalên me li zindanan şehîd ketin, hevalekî me jî agir berda bedena xwe. Ev 5 hevalên me şehîd dikevin, em naxwazin hevalên me şehîd bikevin û şehadet çêbibin. CPT û Ewrûpa pêwîste bi erka xwe rabe ji bo êdî bes şehadet bên jiyankirin.
YEKÎTIYA GELÊ KURD WÊ TECRÎDÊ BIŞKINE
Ez wek çalakvanekî di vê berxwedanê bê dem û bê dorveger bi coş û moralim. Îro ji her çar aliyên Kurdistan û tevahî cihanê çalakvan tevlî vê hamleya berxwedanê bûn. Taybet ji her çar aliyên Kurdistanê çalakvan hene. Ev giringe, ji ber yekîtiya gelê kurd di vir de giringe. Ji ber dijminê me kurdên ji her aliyê cihanê wek neyarê xwe dibine. Ev tecrîda li ser Rêber APO tecrîda li ser gelê Kurd e, ji ber vê yekîtiya gelê kurd pir giring e. Ez silavê xwe ji her çar aliyê Kurdistanê re û ji tevahî hêzên me ra dişinîm. Ez ji wir de dayîka xwe jî silav dikim, dayîka şehîd Mehmûd. Ez silavê xwe ji birayê xwe û malbata xwe re dişinîm. Ez berxwedana YPG û YPJ silav dikim û bejna xwe li ber şehîdan ditewînim.