BEHDÎNAN – Navenda Ragihandin û Çapemeniyê ya HPG’ê li ser çalakiyên gerîla û êrîşên artêşa Tirk daxuyaniyeke nivîskî weşand.
Daxuyanî wiha ye:
“9’ê Nîsanê saet 07:00 artêşa Tirk a dagirker li navçeya Qilabanê ya Şirnexê li qadên Geliyê Cinna, Girê Mêş û Girê Rijde yên herêma Kela Memê bi desteka firokeyên bêmirov û helîkopterên êrîşê yên bi tîpa Kobra dest bi operasyonê kir. Hêzên me heman rojê saet 13’an li dijî yekîneyên operasyonê yên li qada Girê Mêş çalakiyeke sabotajê pêk anîn. Di çalakiyê de leşkerekî dijmin hate kuştin, 3 leşker jî birîndar bûn. Artêşa TC a dagirker heman rojê saet 18’an bi rengekî bêencam ji herêmê vekişiya. Hêzên me ti windahî nedan.
LI XEREGOLÊ ÇALAKIYA GERÎLA
Di çarçoveya Pêngava Şoreşgerî ya Şehîd Bager û Şehîd Ronya de, hêzên me 8’ê Nîsanê saet 16:30’î li navçeya Çelê ya Colemêrgê li dijî leşkerên TC ên dagirker ên li ser Girê Xeregolê çalakiyek pêk anîn. Derbên giran li çeper û stargehên li ser gund hatin xistin, lê belê hejmara leşkerên mirî û birîndar nehate tespîtkirin. Artêşa TC a dagirker piştî çalakiyê obus û hawan avêt derdorê.
BOMBERDÛMANAN BI BALAFIRÊN ŞER
Balafirên şer ên artêşa TC a dagirker Herêmên Parastinê yên Medyayê bombebaran kirin. Di vê çarçoveyê de;
10’ê Nîsanê saet 06:00 qada Aris Faris a herêma Avaşînê û qada Sîda ya herêma Zapê hatin bombekirin.
9’ê Nîsanê saet 12:00 qada Saca ya herêma Zapê û qada Çemrebotkî ya herêma Garê hatin bombekirin.
8’ê Nîsanê saet 08:30’î qada Kunişka ya herêma Zapê, saet navbera 06:00-09:00 qada Lolanê ya herêma Xakurkê, saet 09:00 qada Werxelê ya Avaşînê û saet navbera 22:00-00:00 jî qada Bergare ya herêma Garê hatin bombekirin.
7’ê Nîsanê saet 07:00 qada Kinyanişê ya herêma Zapê, saet 13:30 jî derdora gundê Sarkê yê herêma Garê bombe kirin.
6’ê Nîsanê saet 17:30 geliyên Şehîdan û Bedrana yên herêma Qendîlê hatin bombekirin.
5’ê Nîsanê geliyê Bedrana yê herêma Qendîlê hate bombekirin.
Ji ber bomberdûmanê zerar negihîşt hêzên me. Lê belê ji ber êrîşa li gundê Sarkê ya herêma Garê zerar gihîşt bax û baxçeyên gundiyan.”
