KOBANÊ – Desteya Ciwan û Werzîşê ya herêma Firatê bi boneya serkeftina tîma Firatê ya li hemberî 14 tîman şahiyek li dar xist.
Şahî bi deqeyek rêzgirtin destpê kir, paşê Hevserokê Desteya Ciwanan ê Kantona Kobanê Mihemed Ebdî wiha got: “Em serkeftina tîma Firatê ya ku 15 tîmên ji Bakur û Rojhilatê Sûriyê tê de lîstin, pîroz dikin. Em her tim serkeftinê ji lîstikvan û hemû ciwanan re dixwazin.”
Paşê Hevserokê Meclisa Kantona Kobanê Mistefa Îto serkeftina tîma Firatê li lîstikvanan pîroz kir û got: “Demê ku em behsa werzîşê dikin exlaq û rihê hevpar tê bîra mirov. Dewreya Bakur û Rojhilatê Sûriyê ku hatiye destpêkirin em bawerin ku şert û mercên esasî pêkanîn. Werzîş ne tenê Futbol e werzîş tiştê ku dihêle mirov bijî ye.”
Her wiha Hevserokê desteya werzîşê yê Bakur û Rojhilatê Sûriyê Mehmud Mişî wiha got: “Piştî gelek zehmetiyê ku ciwanên me di aliyê werzîşê de dîtin,herî dawî tîma Firatê, bi serkeft. Em jî vê serkeftinê pîroz dikin û em bi hêviya serkeftinên mezintirin.”
Piştira Rêveberê Ciwanan ê Kantona Kobanê Cemal Çîçan serkeftina tîmê li hemû ciwanên Bakur û Rojhilatê Sûriyê pîroz kir.
Paşê saziyên Bakur û Rojhilatê Sûriyê û lîstikvanên tîma Firatê ji aliyê Desteya Ciwan ve hatin xelat kirin.
Şahî bi gerandina dîlanê bi dawî bû.
