BEDÎNAN – Navenda Ragihandin û Çapemeniyê ya HPG’ê têkildarî êrîşên hewayî yên li dijî herêmên Parastinê yên Medyayê daxuyaniyek nivîskî weşand.
HPG’ê got; “Roja 26’ê Gulanê saet di 06:45’an de balafirên şer bombe li herêma Golka ya herêma Metînayê barandin.
Balafirên şer roja 28’ê Gulanê jî; Di saet 05:00’an de bombe li Girê Şehîd Sarya û saet di 22:30’an de derdora çemê Lolan û neqeba Şêxzade barandin.
Saet di 09.00’an de bombe li Gundê Filleha yê herêma Zê barandin.
Saet di 19:00’an de bombe li Girê Kartal yê herêma Avaşînê barandin.
Dîsan roja 29’ê Gulanê balafirên şer saet di 06:30’an de bombe li herêma Gundê Filleha û Girê Cehennem yê herêma Zê barandin.
Di encama bombebarana artêşa TC’ê ya dagirker de li herêma Qendîlê 3 rêhevalên me şehîd bûn. Agahiyên têkildarî nasnameyên hevalên me yên şehîd wê piştre bi raya giştî re werin parvekirin.”
