Li Dersimê dagirkeriya dewleta Tirk operasyona leşkerî dest pê kir

DERSIM – Li herêma Alîbogazi ya navçeya Xozatê ya Dersimê, di saetên serê sibehê de operasyoneke leşkerî dest pê kir. Herêma ku ji duh ve wesayîtên leşkerî yên hewayî ÎHA û SÎHA lê digerin, îro serê sibehê yekîne û maşîneyên leşkerî yên zirxî jî sewqî herêmê hatin kirin. Tê gotin ku helîkopter jî li herêma ku operasyon lê hatiye dest pê kirin, digerin. Her wiha çavkaniyên herêmî radigîhin ku li herêmê yekîneyên veşarî jî di nav liv û tevgerê de ne.