GİRÊ SPÎ – Rêveberiya Yekîtiya Jinên Ciwan a Herêma Firatê Aryan Ahmed bû mêvana bernameya taybet a Radyoya Girê Spî. Li ser xebatê Yekîtiya Jinên Ciwan xwe çawa bi rêxistin dike? erk û berprsiyariya ku dikeve ser milê Jinên Ciwan de çine? hêrs û bertekên Jinên Ciwan û gelek mijarên din di bernameyê de nirxandin.
Aryen wiha dest bi axaftina xwe kir; “ Pirsgirêkê Civakê, pirsgirêkê giştî, asinde gerdonî pirin. Wekî Jin, Wekî nasnameya jin û hem jî nasnameya Jinên Ciwan tê de, em xwe berpirsiyarên van pirsgirêkan dibînin, di nav van pirsgirêkan de pirsgirêka yekemîn Çand û Nasnameya me. Pergala Kapîtalîst dixwaze di nav Civakê de guhertinan çêbike, guhartinên çawa! Guhartinên ber bi tunebuna Çand û Exlaqa Civakê. Ne tenê ji bo Jinên Ciwan ji bo tevahî Civakê xeteriyeke mezine, em jî wek Jinên Ciwan li pêşiya vê digrin. Di nav cîhanê giştî de her Civakek bi nasnameya xwe tê naskirin, nasnameya xwe ya ziman re û di heman demê de bi nasnameya Çand re jî tê naskirin. Li ser vî esasî niha Pergala Kapîtalîst Civakê ji nasnameya wê û Çanda wê dur dixe, bi tunebuna Civakê re xwe dide jiyankirin. Ji bo vê yekê jî pêwîste her kes xwedî li Nasnameya xwe û Çanda xwe derkeve da ku Pergala Kapîtalîst xwe nede jiyan kirin li ser tunebuna Civakê.
Bi taybet di vê dema dawî de Pergala Kapîtalîst dixwaze bi şêwazên veşartî re nexweşiya xwe di nav Civakê û Ciwanan de belav bike. Tabî ciwan ne di ferqa vî tiştî de ne, dema ku pergala Kapîtalîst van tiştan di nav civakê de dike, ciwan bi xwe dikevin wê xefkê û ne di ferqa wê de ne. Tabî ev pergala kapîtalîs bi zanebûn dike di nav civakê de, ji bo vê jî pêwiste her tim ciwan hişyar bin di vî alî de. Ji bo vê jî erka ku dikeve ser milê ew e ku tekoşîneke Çandî meşandine bi taybet Jinên Ciwan. Li ser vî esasî jÎ em dixwzin jinên ciwan rastiya xwe nabike, Cewhera xwe nasbike.
Wekî din pirsgirêka ku herî zêde di nav civakê de em jiyan dikin, pirsgirêka kuştina jin, taciz û qetilamên jin, tecawizên ku li ser jin tên meşandin, her awayi de di milê çandî de, milê Fîzîkî de, bi her awayi zextên ku li ser jin tên meşandin bersivdayinek pêwîste, seknek pêwîste armancê me yê duyemîn jî ev e. ji ber ku rastî jî di civaka Rojhilata Navîn de çandeke Feodalîzm astekî herî jor de pêş ketiye, û ev çand jî nahêle ku jin taybet Dayik, Jinên Ciwan bikaribin ku bi rastiya xwe re jiyan bikin.
Di heman demê de evqas êrîşên ku li ser jin tên meşandin, bê dengiyeke mezin heye, bi taybet meselen bi temenê biçûk zewcandin, yani dema ciwan nu dikeve temenê xwe yê 14-15 salî nû civakê nasdike, hêdî hêdî nû çavên wan vedibin, hîn nû jiyan fêmdike, di van temenan de bi zorê zewcandina jinên ciwan qetilamên pir mezinin. Tunekirina ciwanekê ye, ji bo wê li hember vana pêwîste berxwedaniyeke pir mezin avabibe, em baş dizanin ku di nav civakê de ev jinên ciwan bi dilê xwe na yên zewcandin, vana bi zorê tên zewcandin. Ev jî di demeke pêş de xeteriyeke pir mezine ji bo jinan, kolebuyina herî mezin di vir de tê jiyan kirin, di vir de ne tenê jin koleye, zilam bi xwe jî koleyê sîstemê ye.
Me çend dewreyên bîrdozîk jî vekirin ji bo guhartina zilam, di vir de jî me encamên van perwerdan dît, piştî perwerdê bi sekna wan û islûbê wan di nav saziyan de guhartinek çêbûbu, bi riya Perwerda, bi riya tekoşînê re heman demê de armancê me yê din jî ew bu guhartina zilame di vê hemleyê de.
Aryen di dawiya axaftina xwe de wiha got; “Her wiha li hember êrîşên dagirkeriya dewleta Tirk ên li ser xaka Rojavayê Kurdistanê tekoşîneke pir xurt pêwîste, bi pêşengtiya jin jiyan afirandine, li ser vî esasî jî li nasnameya xwe xwedî derketin, jiyanek nû afirandine, yanî guhartin û azadî taybet li ser vî esasiye, bi giştî jî wekî jinên ciwan em xwe li ser vî esasî bi rêxistin dikin”.
NC / NUDA ELEFTIRYA