Gelo li gorî destûra Iraqê Mihemed Saman dikare hem walî hem jî wezîr be?

NAVENDA NÛÇEYAN — Li gorî Destûra Iraqê ya sala 2005’an û Yasa Parêzgeh û Herêman a Hejmar 21 a Sala 2008’an a Guhertî, nabe kesek di heman demê de xwediyê du wezîfeyên îdarî be, û rewşa heyî ya Mihemed Seman bi temamî li dijî yasa û destûrê ye.

Rewşa yasayî û binpêkirin

Li gorî Destûra Iraqê ya sala 2005’an û Yasa Parêzgeh û Herêman a Hejmar 21 a Sala 2008’an a Guhertî, nabe kesek di heman demê de xwediyê du wezîfeyên îdarî be. Ev rewşa heyî ya Mihemed Seman bi temamî li dijî yasa û destûrê ye, lê belê heta niha tu sazî û aliyekî peywendîdar lêpirsîn li gel nekiriye. Mihemed Seman di 16’ê Nîsana 2026’an de ji aliyê Encûmena Parêzgeha Kerkûkê ve wekî waliyê Kerkûkê hate hilbijartin û lişûna Rêbwar Taha dest bi kar kir. Piştre di 15’ê Cotmeha 2026’an de, piştî ku li Parlamentoya Iraqê bawerî bi dest xist, sonda destûrî xwar û wekî Wezîrê Dewletê dest bi kar bû.

Helwêsta li ser wezîfeya walitiyê

Niha Mihemed Seman amade nîne wezîfeya walitiya Kerkûkê radestî cîgirê yekem (ku para Kurdane) bike û her du postan di heman demê de bi rê ve dibe. Ev yek li dijî destûr û yasayên ên Iraqê ye; ji ber ku Destûra Iraqê û Yasa Karûbarên Şaristaniyê bi eşkere diyar dikin ku tu berpirs an karmend nikare di heman demê de du wezîfeyên bicihanînê di desthilatên cuda an di heman desthilatê de bi rê ve bibe, du mûçeyan wergire an xwediyê du pileyên berpirsiyariyê be.

Pêşeroja Bûyeran

Dema ku waliyek wekî wezîr tê namzedkirin, li parlamentoya Iraqê deng bi dest dixîne û sonda destûrî dixwe, bixweber û bi şêwazekî yasayî dest ji wezîfeya xwe ya berê (walî) berdide. Ji ber ku sond xwarina wezaretê tê wateya destpêkirina fermî ya kar di nav desthilata federal de. Di rewşên wiha de, ji bo ku valahiya îdarî çênebe, divê cîgirê yekem ê walî bi wekalet karên parêzgariyê bi rê ve bibe, heya ku Encûmena Parêzgehê dicive û parêzgarekî hildibijêre.

Çavkanî: Rojnews Kurmancî