Endama DÎK’ê siyasetmedar Dîba Keskîn diyar kir ku nabe ku aştî ji ziniyeta mêr û desthilatdariyê re were hiştin û got, “Têkoşîna jinan, yekîtî, civak û yekîtiya muxalefetê jî ji bo me pêwîst e.”
- Endama Kongreya Îslama Demokratîk (DÎK) siyasetmedar Dîba Keskîn di roja 2’yan a konferansa “Em bi hev re pêşerojê diaxivin” de axivî.
- Keskîn bal kişand ser rola jinan a di pêvajoya aştiyê de, helwesta desthilatdariyê û berpirsyariya muxalefeta civakî.
- Keskîn destnîşan kir ku divê rewşa girtiyan bi rengekî hevpar were nirxandin û tehliyeyên ku tên taloqkirin bên çareserkirin.
Aştî divê ji zihniyeta mêr re neyê hiştin
Endama Kongreya Îslama Demokratîk (DÎK) siyasetmedar Dîba Keskîn di roja 2’yan a konferansa “Em bi hev re pêşerojê diaxivin” de, têkildarî Pêvajoya Aştî û Civaka Demokratîk û 25’ê Mijdarê Roja Têkoşîna Navneteweyî ya Li Dijî Tundiya Li Hemberî Jinê nirxandin kir. Dîba Keskîn ji ANF’ê re axivî û bal kişand ser rola jinan a di pêvajoya aştiyê de, helwesta desthilatdariyê û berpirsyariya muxalefeta civakî. Dîba Keskîn diyar kir ku jinên xwedî fikrên cuda tên ba hev û têkildarî aştî û têkoşîna hevpar nîqaş dikin û got, desthilatdarî divê gavên şênber bavêje.
Pirsgirêka girtiyan û helwesta desthilatdariyê
Dîba Keskîn bilêv kir ku divê rewşa girtiyan jî bi rengekî hevpar were nirxandin û got, “Em rewşa hevalên xwe yên ku 30-35 sal in li girtîgehan e û bi hincetên cur be cur tehliyeyên wan tên taloqkirin, nîqaş dikin. Divê evane hemû bi hev re bên nirxandin û binesaziya vê were çêkirin. Weke ku hevaleke jin di konferansê de diyar kirî, divê aştî nabe ku ji zihniyeta desthilatdariya mêr re were hiştin. Eger em karê biryar dayînê û xwedî derketinê tenê ji zihniyeta mêr re bihêlin, em pêş nakevin û aştiyeke mayînde jî pêk nayê. Di tevahiya nîqaşên konferansa du rojî de, beşdar jî vê nêrînê qebûl dikin.” Dîba Keskîn diyar kir ku Kurd û derdorên demokratîk ji helwesta heyî ya desthilatdariyê nerehet in û got, di çarçoveya Pêvajoya Aştî û Civaka Demokratîk de hîna dewlet û desthilatdariyê gavên şênber neavêtiye.
Pêşeroja Bûyeran
Dîba Keskîn anî ziman ku têkoşîna jinan, yekîtiya civakî û yekîtiya muxalefetê ji bo avakirina aştiyeke mayînde û pêşerojeke demokratîk bi temamî pêwîst e.
Çavkanî: ANF Kurmancî