Ji Rojnivîsa Şehîd Dilşêr Herekol: Pêngava rizgakirina Şengalê û serdema

ROJHILATÊ NAVEND — Di vê beşê de Fermandarê HPG’ê Şehîd Dilşêr Herekol ku di pirtûka xwe “Teyîsîna Dîrokê ya di Roja Îro de” de cih dide, helwesta PDK’ê ya bi piştgiriya Tirkiyeyê û pêngava rizgarkirina Şengalê dinirxîne. ÎBRAHÎM ÊZIDÎ-ROJNEWS radigihîne ku Şehîd Dilşêr destnîşan dike ku wan ji bo dûrketina ji şerê navxweyî hemû hewldan dane nîşandan, di heman demê de bi coş û piştgiriya mezin a gelê Êzidî berê xwe dane navenda bajêr da ku Şengalê ji çeteyên DAIŞ’ê paqij bikin.

Helwesta PDK’ê û Polîtîkaya Tirkiyeyê

Di notên rojnivîsê yên Fermandarê HPG’ê Şehîd Dilşêr Herekol de, ku di pirtûka xwe ya bi navê “Teyîsîna Dîrokê ya di Roja Îro de” de cih daye wan, bal tê kişandin ser polîtîka û helwesta PDK’ê ya li dijî tevgera azadiyê di dema pêngava rizgakirina Şengalê de. Şehîd Dilşêr diyar dike ku PDK’ê bi piştevaniya Serokkomarê Tirk Erdogan û sozên piştgiriyê yên li dijî PKK’ê girtibû, cesaret girtibû û gefa şer li wan xwaribû. Tevî ku wan wekî polîtîkayeke bingehîn xwestibû ji şerekî navxweyî yê ku dê herî zêde zirarê bide gelê kurd dûr bisekinin, lê hêrsa li hemberî vê helwestê di lûtkeyê de bû.

Têketina Navenda Şengalê û Coşa Gelê Êzidî

Di dewama nivîsê de, Şehîd Dilşêr qala biryara çûna navenda bajarê Şengalê dike û tîne ziman ku tevî kêmasiyên koordînasyonê û metirsiya tevlîheviyê ya bi pêşmergeyan re li qada şer, bi coşeke mezin a civaka Êzidî re ketine nava bajêr da ku Şengalê ji çeteyên DAIŞ’ê rizgar bikin.

Pêşeroja Bûyeran

Fermandarê HPG Şehîd Dilşêr Herekol li ser rewşa herêmê û têkiliya PDK’ê û Erdogan ya wê demê vê tîne ziman: “Heger ne wisa bûya çima PDK’ê dê bigota ‘emê bi wî rengî tevbigerin’ û têkiliyên xwe bi vî rengî bidomanda.”

Çavkanî: Rojnews Kurmancî