WASHINGTON — Artêşa Dewletên Yekbûyî yên Emerîkayê (DYE) ji xeynî dorpêça behrê ya li ser Îranê, plan dike ku koma xebatê ya ji bo astengkirina rêyên bejahî jî ava bike, û Fermandarê Centcomê Brad Cooper îdîa kir ku ev yek bi armanca sînorkirina ticaretên derqanûnî ye.
- DYE plan dike ku ji xeynî dorpêça behrê, koma xebatê ya ji bo astengkirina rêyên bejahî yên Îranê jî ava bike.
- Koma xebatê wê ji 20 sivîl û leşkeran pêk were, navenda wê Florida be û bi saziyên hikûmeta DYE’yê re fealiyet bimeşîne.
- Berdevkê Muxafizên Şoreşa Îranê Huseyîn Muhebî diyar kir ku wê plana DYE’yê binbikeve û rêyên cîranan nayên astengkirin.
Armanca Plana Nû û Dorpêç
Artêşa Dewletên Yekbûyî yên Emerîkayê (DYE) ji xeynî dorpêça behrê ya li ser Îranê, plan dike ku koma xebatê ya ji bo astengkirina rêyên bejahî jî ava bike. Fermandarê Centcomê Brad Cooper îdîa kir ku ev yek bi armanca sînorkirina ticaretên derqanûnî ye. DYE di çarçoveya şerê meha Sibatê yê li hemberî Îranê de, dorpêça behrê li ser lîmanên Îranê pêk tîne. Washington bi plana nû armanc dike ku rê li ber veguhestina çek, kelûpelên cezakirî û dahatên derqanûnî ji sînorên bejahî yên Îranê û li ser Deryaya Qezwînê bigire.
Avabûna Koma Xebatê û Daxuyaniya Centcomê
Koma xebatê wê ji 20 sivîl û leşkeran pêk mere û navenda wê Florida be. Wê bi saziyên hikûmeta DYE’yê re fealiyet bimeşîne. Centcomê îdîa kir ku ev hewldan wê hilberandina çekan a ji aliyê Îranê ve bi sînor bike. Fermandarê centcomê Brad Cooper li ser platforma X’ê daxuyanî da û got, ev hewldan bi armanca sînorkirina fealiyetên ticareta derqanûnî û çekan tê kirin.
Pêşeroja Bûyeran
Berdevkê Muxafizên Şoreşa Îranê Huseyîn Muhebî jî diyar kir ku wê plana DYE’yê binbikeve û got, wê rêyên girêdayî cîranên Îranê neyên astengkirin.
Çavkanî: ANF Kurmancî