HEWLÊR — BARAN GERMIYANÎ / Nûçe Ciwan — Aloziya siyasî ya vê dawiyê ya di navbera Partiya Demokrat a Kurdistanê (PDK) û Yekîtiya Nîştimanî ya Kurdistanê (YNK) de li Herêma Kurdistanê, sînorê nakokiyên li ser avakirina hikûmetê û birêvebirina parlamenê derbas kiriye. Vekirina parlamenê tevî biryara baykotkirinê, diyarkirina desteya serokatiya parlamenê bi piraniya dengên PDK’ê û biryara YNK’ê ya ji bo vekişîna ji hikûmetê û hişyarkirina li ser avakirina îdareya Silêmaniyê, nîşanên wê yekê ne ku alozî ketine qonaxeke nû û metirsîdar.
- Aloziya siyasî ya di navbera PDK û YNK’ê de derbasî qonaxeke nû û metirsîdar bûye.
- PDK’ê di 4’ê Mijdarê de bi beşdariya 52 parlamenteran civîna vekirina parlamenê pêk anî.
- Bidestxistina piraniya hejmara di parlamenê de, nayê wateya temsîlkirina îradeya hemû tebeqeyên siyasî û civakî.
Qonaxeke nû û metirsîdar a aloziyan
Aloziya siyasî ya vê dawiyê ya di navbera Partiya Demokrat a Kurdistanê (PDK) û Yekîtiya Nîştimanî ya Kurdistanê (YNK) de li Herêma Kurdistanê, sînorê nakokiyên li ser avakirina hikûmetê û birêvebirina parlamenê derbas kiriye. Vekirina parlamenê tevî biryara baykotkirinê, diyarkirina desteya serokatiya parlamenê bi piraniya dengên PDK’ê û biryara YNK’ê ya ji bo vekişîna ji hikûmetê û hişyarkirina li ser avakirina îdareya Silêmaniyê, nîşanên wê yekê ne ku alozî ketine qonaxeke nû û metirsîdar.
Derketina rewşa heyî holê, ji ber nebûna aqilekî stratejîk e ku berjewendiyên kurdan esas digire. Ev yek ji di heman demê de destwerdana hêzên derve ya li herêmê kûrtir dike û xetereya wê yekê heye ku encamên aborî û civakî yên krîza siyasî giran bin.
Piraniya parlamenê û nîqaşa rewayetiyê
Bidestxistina piraniyê di parlamenê de, nayê wateya bidestxistina rewayetiya siyasî.
PDK di 4’ê Mijdarê de bi beşdariya 52 parlamenteran civîna vekirina parlamenê pêk anî; civîna ku ji 39 parlamenterên Partî, sê parlamenterên YNK, sê yên Nifşê Nû, du yên Helwest, parlamenterekî Eniya Gel, parlamenterekî Partiya Sosyal Demokrata Kurdistanê li gel sê parlamenterên ji kotaya Tirkman û Mesîhî pêk dihat.
Bidestxistina piraniya hejmara di parlamenê de, nayê wateya temsîlkirina îradeya hemû tebeqeyên siyasî û civakî. Neanîna encama di rûniştina ku bi beşdariya çend kesan hatibû kirin û baykotkirina ji aliyê YNK, Nifşê Nû, Helwest, Komela Dadgerî û Yekgirtû ve…
Pêşeroja Bûyeran
Gelê Kurd di encama van aloziyên siyasî û berjewendiyên desthilatdariyê de, baca giran a vê rewşê dide û pêşketinên nû nîşan didin ku krîza heyî dê bandoreke mezin li ser tevahiya herêmê bike.
Çavkanî: Rojnews Kurmancî